मरकुस

मरकुस का लीखा यीशु मसी का सु-समाचार

मरकुस नी लीखली ईसु मसी नी खुस-खबर

जानकारी

ईसु नी जीवाय ना बारा मे देखाड़वा वाळा नवला कायदा नी च्‌यार कीताप से, तीमनी मे गेथी एक कीताप मरकुस नी खुस-खबर से अने आहयी च्‌यार कीताप्‌या ईसु नी खुस-खबर ह़मळावे।

ईसु ने मरवान बाद आहयी च्‌यार खुस-खबर ने मत्‌ती मरकुस लुका अने युहन्‌नो एवा लीखला से आहयी च्‌यारोव खुस-खबर मे गेथी मरकुस नी खुस-खबर आखा गेथी नानी कीताप से। आहयी च्‌यारोव कीताप मे गेथी मरकुस नी खुस-खबर आखा गेथी पेले लीखली से। अने बीजी तीन खुस-खबर ईसुन पयदा हयवान 65 से 70 साल बाद लीखला अने आने लीखवा नो मतलब से के रोम ह़ेर नी भरहो करन्‌यान मंडळी ना मन नी ताखत बड़ाव्‌वा करीन अने खुस करवा करीन आहयी खुस-खबर लीखला हता।

आहयो मरकुस कोय हतो अने चेलो पोलुस बरनाबास जुवान आहयो तीमनी ह़ाते काम करवा वाळो ह़ाती हतो। युहन्‌ना मरकुस मतलब मरकुस खुस-खबर ने लीखवा वाळो मरकुस तीनी ह़ाते पेल्‌नी मीसनरी यात्‌रा नी वचमेत गेथो सोड़ीन नाह जवा सी तीना मन ने ठोकर लागी।

चेला बणाव्‌वा अने आखरी टेमे आहयी खुस-खबर ना बे खास वात ना बारा मे चेला बणाव्‌वा अने आखरी टेमे मरकुस नु लीखलु खुस-खबर मे ईसु ना लारे आपली ह़ीकापण।

मरकुस ना लीखला खुस-खबर मे ईसु ने चाकर्‌यो अने मालीक भगवान नो मोंगाळ्‌ळो सोरो जे तीना बाह नी मरजी पुरी करीन तीयार से। आनी आहयी वात नी लेदे ईसम करीन मरकुस ईसु ना सेल-भात्‌या कामु ने जादा सी जादा देखाड़ मेक्‌यु। खुस-खबर नी आखरी मे ईसु नो मोट्‌लो हुकम आवलो से।

रुपरेखा

1. बपतीस्‌मा नी रीती करवा वाळा युहन्‌ना ईसु नी बपतीस्‌मा नी रीती।

2. गलील देस अने आड़े-धेड़े ना ईलाका मे कर्‌यो चमत्‌कार।

3. गलील सी यरुसलेम तक ना ईसु नी यात्‌रा अने तां मंदीर मे तीनु भरायवु।

4. ईसु ना भगवान वगे गेथी वात केण्‌या ना बारा मे कर्‌यो खबर।

5. ईसु नी मोत, जीवतो हयवा अने मोटो हुकम।