Skip to content
BibleKenya

Paliya Bible

मरकुस 13

मंदीर खत्‌तम हयवा ना बारा मे देखाड़े

(मत्‌ती 24:1-2; लुका 21:5-6)

अळतेण ईसु मंदीर मे गेथो नीकळ्‌यो, ता तीनो एक चेलो केदो, “ए मास्‌तर, देख, आहया मंदीर ना बंगला घणा घटाळा से अने आना जमाड़ला दगड़ा घणा मोटा से?”

ईसु तीने केदो, “तु ते आहया बंगला ने देखीन वहराय र्‌यो। पण आहयु आखु ओदार नाखहे; आञे लग के आञे ह़ारीक दगड़ा पोर दगड़ो बी नी बचे।”

ईसु वेला अने दुख देखाड़े

(मत्‌ती 24:3-14; लुका 21:7-19)

अळतेण ईसु जेतुन नाम ना बड़ा पोर, बह र्‌यो हतो, तां गेथो मंदीर ह़ाम्‌बो देखायत्‌लो। तत्‌यार पतरस अने याकुब, अने युहन्‌ना अने अंदर्‌यास ईसु ने आंग्‌ये ली जाय्‌न पुछ्‌या, “आमने के तु आहयी वात कत्‌यार पुरी हयहे? अने जे दाड़ा मे आहयी वात पुरी हयवा वाळी से, तीहया दाड़ा ह़ातेत आय र्‌या आहयु ह़मजवा नी सेलाणी ह़ु रेहे?”

ईसु तीमने केवा बाज ज्‌यो, “चेतीन रेवो, कोय बी तमने भंगलाड़वा नी जोवे।” घणा ढेरका मारा नामे आवीन केहे, के “मे मसी से” अने घणा ढेरका भंगलाड़ देहे। जत्‌यार तमु लड़ाय अने झगड़ा नु हुकवाड़ो ह़मळो, ता घबरायजो नी, काहाके ईसम ते हयहेन-हयहे। पण आहयुत कळ नी छेव नी हय। काहाके एक जाती ना माणहु बीजी जाती पोर। एक राज्‌य ना माणहु बीजा राज्‌य ना माणहु ह़ाते झुमायहे। जां तां काळ पड़हे। अने जां तां धरती फाट जहे। आहयी ते, आव्‌वा वाळी गरा सुरु हयवा नी सेलाणी से। 1

पण तमु आह़फा ना बारा मे चेतीन रेवो; काहाके वेरी माणहु तमने धरहे अने मोट्‌ली पंचु ना अगळ लीजहे; अने तीमना भक्‌ती ना घोर मे तमने ली जाय्‌न ठोकहे; अने मारा नाम सी राजा अने नीयाव करन्‌या अगळ उबा करहे, तीहयी टेमे तमने तीमनी अगळ मारी खुस-खबर ह़मळावा नो मोखो जड़हे। अने कळ खत्‌तम हयवान पेले खुस-खबर नी वात आखी जाती मे परच्‌यार करवा जोवे। जत्‌यार तीहया तमने बंदी बणावीन पंचु अगळ ली जाय, ता पेले गेथात आहयी फीकर नी करजो, के आमु ह़ु केहु, पण जे कंय तमने तीहयी टेम मे भगवान देखाड़हे, तीहयुत केजो; काहाके बोलवा वाळा तमु नी, पण चोखली आत्‌मा से।2 तीहया दाड़ा मे भाय आह़फा ना भाय ने अने बाह आह़फा ना सोरा-सोरी ने मारवा करीन धराय देहे, अने सोरा-सोरी आह़फा ना आय्‌ह़-बाहा ना वीरोद मे हय्‌न तीमने मराय नाखहे। 3अने तमु मारा नाम पोर भरहो कर र्‌या करीन आखा माणहु तमारी सी बुराय करहे। पण जे कोय आखरी लग मार पोर भरहो करहे, तीनेत छुटकारो जड़हे।4

मोट्‌ली वेला अने काळ

(मत्‌ती 24:15-28; लुका 21:20-24)

पण जत्‌यार तमु तीहया उजाड़वा वाळी बगड़ली चीज ने जां वारु नी हय तां उबी हयली देखो, भणवा वाळो ह़मजी लेय, तीहया टेमे, जे माणहु युहद्‌या जीला मे हय, तीमने तत्‌यारुत आह़फा ने बचाड़वा करीन बड़ा मे नाह जवा जोवे।5 6जे घोर नी पडाळ पोर हय, तीहयो आह़फा ना घोर मे गेथु कंय बी ह़मान लीजवा करीन हेटो नी उतरवा जोवे। अने जे खेतर मे हय, तीहयो आह़फा ना लुगड़ा ने लेवा पासो नी आव्‌वा जोवे।7 तीहया दाड़ा मे जे बयर भारेपोगे हहे अने सोरु ने धाय धवाड़ती हहे, तीनी जुगु गरा ना दाड़ा केवायहे! 8तीहया दाड़ा घण-जबर गरा ना रेहे। भगवान कळ घड़्‌यो तां गेथी आज तक एतरी मोटी गरा नी आयी हय, एतरी मोटी गरा आवहे। अने अळी एवी गरा कदी नी आवे। एतरे भगवान पांह वीन्‌ती कर्‌या करो ह़ीयाळा ना दाड़ा मे आहयी गरा नी आव्‌वा जोवे।9 कदी मालीक पोर भरहो करन्‌या टाळला माणहु घण दाड़ा लग वेला करता नी रेवा जोवे करीन तीहयो तीहया गरा ना दाड़ा कम कर देहे। कदीम मालीक तीहया दाड़ा मे कम नी करे ता एक बी जीव नी बचे।

तीहया दाड़ा मे झुटा मसी, अने झुटा भगवान वगे गेथी वात केण्‌या माणहु जां तां आवहे, अने जुदा-कामु सेलाणी ना रुप मे देखाड़हे; हय सके ता भगवान ना टाळला ने बी धोको दीन भंगलाड़वा नी कोसीत करहे। तीहयी टेमे कानो केहे; देखो मसी आञे से, नीता “देखो ह़ेले से” ता तीमनी पोर भरहो नी करजो। पण तमु जाळवीन रेवो: देखो, मे ते तमने एवु हयवा नी पेलेत आखी वात की र्‌यो।

ईसु पासो केम आवहे?

(मत्‌ती 24:29-31; लुका 21:25-28)

10

तीहया दाड़ा मे, आहयु दुख ना बाद दाहड़ु अंदारु डुब हय जहे, अने चांद वीजाळु नी आपे।11 12ह़रग मे गेथा तारा हेटा पड़वा बाज जहे, अने ह़रग नी आखी सक्‌ती हील पड़हे।13 14तत्‌यार माणहु, मनख्‌यान सोरा ने आखा मे जोर भरी सक्‌ती अने बड़ाय भेळे वादळा मे आवत्‌लो देखहे।15 तीहयी टेमे तीहयो, आह़फा ह़रग वाळा ह़रगदुत ने मोकलीन तीमनीन तेम धरती नी आहयी धेड़े गेथो ह़ेली धेड़े लग, अने ह़रग नी आहयी धेड़े गेथो ह़ेली धेड़े लग च्‌यारो-मेर गेथा आह़फा ना टाळला माणहु ने भेळा करहे।

गुलर ना झाड़ नो दाखलो

(मत्‌ती 24:32-35; लुका 21:29-33)

ईसु अगो केतो ज्‌यो, “गुलर नु झाड़ ना दाखलान लारे ह़ीको; जत्‌यार तीना डाळ्‌या मे गेथा ह़ुवाळा डीरा अने पान्‌टा फुटवा बाज जाय, ता तमु जाण लेवो के, उनाळा ना दाड़ा आव्‌वा वाळा से। एमेत जीसम मे तमने केदो तीहयु हयत्‌लु देखो, तत्‌यार जाण लेजो के, जे आव्‌वा वाळो से अने तीहयो झापला पोर से। मे तमने ह़ाचलीन आहयु केम, मे केदलो तीहयी आखी वात पुरी हयहेन-हयहे, अने आहयी पीड़ी ना माणहु मरवा नी पेलेत आहयी वात पुरी हयवा सुरु हयहे। ह़रग अने धरती टळ जहे पण मारी वात कदी नी टळे।”

चेतीन रेवो

(मत्‌ती 24:36-44)

16

ईसु अगो केतो ज्‌यो, “मारो आव्‌वा नो दाड़ो अने टेम ना बारा मे कोयने मालम नी हय, ह़रगे वाळा ह़रगदुत ने अने मने बी मालम नी हय, आहयो दाड़ो अने टेम भगवान बाह एतरोत जाणे।17 चेतीन रीन वीन्‌ती करता रेवो। काहाके तमने नी मालम के तीहयी टेम कत्‌यार आवहे। 18आहयु तीहया माणेह ने तेवु से, जे पारका मुलक मे जवा नी टेमे आह़फा ना घोर ने सोड़ीन जाय, अने आह़फा ना पावर्‌या ने हक आपे, अने आखा ने काम देखाड़ीन जाय, अने झापलु रखवाळ्‌या ने चेतीन रीन जागली करवा नो हुकम आपे।19 एतरे तमु बी जागली करता जाय्‌न चेतीन रेवो, काहाके तमु नी जाणो के घोर नो मालीक कत्‌यार आवहे, ह़ांतो के आदी राते, के कुकड़ा वाहरे के ह़वारे। ईसम नी हयवा जोवे के तीहयो उचकाहलोत आय लागे अने तमु ह़ुवत्‌ला तीने देखाव पड़े। अने जे मे तमने केम तीहयुत आखा ने केम, के चेतीन रीन जागला रेवो।”

Source notes (19)
  1. Cross-reference मत्‌ती 10:17-20; लुका 12:11,12
  2. Cross-reference मत्‌ती 10:17-20; लुका 12:11,12
  3. Cross-reference मत्‌ती 10:22
  4. Cross-reference मत्‌ती 10:22
  5. Cross-reference दानीयल 9:27; 11:31; 12:11
  6. Cross-reference लुका 17:31
  7. Cross-reference लुका 17:21
  8. Cross-reference परकासीतवाक्‌य 7:14
  9. Cross-reference दानीयल 12:1; परकासीतवाक्‌य 7:14
  10. Cross-reference परकासीतवाक्‌य 6:12
  11. Cross-reference यसाया 13:10; यहेजकेल 32:7; योएल 2:10,31; 3:15; परकासीतवाक्‌य 6:12
  12. Cross-reference परकासीतवाक्‌य 6:13
  13. Cross-reference यसाया 34:4; योएल 2:10; परकासीतवाक्‌य 6:13
  14. Cross-reference परकासीतवाक्‌य 1:7
  15. Cross-reference दानीयल 7:13; परकासीतवाक्‌य 1:7
  16. Cross-reference मत्‌ती 24:36
  17. Cross-reference मत्‌ती 24:36; नेवताळा ना काम 1:7
  18. Cross-reference लुका 12:36-38
  19. Cross-reference लुका 2:36-38

Paliya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.