Amoc

Buk pa

AMOC

Lanyut wilok madito ma i buk man

Amoc obedo lanebi mukwongo i Baibul ma kwenane kicoyo kore ki kore. En oa ki i taun me Tekoa matye i Juda ento en otito lok pa Lubanga bot jo Icrael ma gitye i ker matye tung kumalo. Kadi bed kitmeno kwenane mako jo Icrael ducu. Man otime ikine me mwaka miya abiro ki pyere abicel nio kwede wa mwaka miya abiro ki pyere abic ma pud peya kinywalo Yecu Kricito ikare me loc pa Ujia ki Jeroboam.

Amoc otito lok pa Lubanga ikare ma dano tye ki lonyo madwong adada. Ento Amoc oneno ni lim onongo tye bot lulonyo keken dok gin bene tye kaunu ki diyo lucan. Woro Lubanga onongo pe tye kakare. Lok me kuc ki tungcel onongo nen calo gin matye, ento i adane kuc onongo peke.

Amoc obedo ki miti dok ki kero madit adada me tito ni Lubanga bimiyo pwod bot jo Icrael ka pe gungut. Piman en owaco ni, jo pa Lubanga omyero guwek ngolo kop ma atir obed tye, dok omol calo pii ma i kulu. Dong ka gin oloko kwogi ci, “Gwok onyo Rwot Lubanga me mony, bitimo kica bot jo lobo Icrael ma odong ma pud kwo.” 5:15

Lacim wilok madito ma i buk man

Ngolo kop ikom rok ma orumu jo Icrael

Ngolo kop ikom jo Icrael

Ginanyuta abic mapatpat