Amoc 1

11

Man aye lok pa Amoc, ma en yam ngat acel ikin lukwat romi me Tekoa, ma en oloko lok ikom Icrael ikare me loc pa Ujia rwot me Juda, ki ikare me loc pa Jeroboam wod pa Yoaci rwot me Icrael. Inge lok pa Amoc, okato mwaka aryo ci oyengyeng otime. 22

Amoc owaco ni,

“Rwot mor ki i Cion,

dwone winye ki i Jerucalem;

olet pa lukwat otwo woko,

lum ma iwi got Karmel bene oner woko.”

Ngolo kop ikom rok ma orumu jo Icrael

Ciria

33

Rwot owaco kuman ni, “Pi lwak bal mapol pa jo Damaciko, pe abidwoko cwinya cen i pwod ma abimiyogi, pien gin gutimo tim me gero marac ikom jo Gilead. 4Kumeno abicwalo mac ikom ot pa Kajael, ci biwango odi madongo ma i gangkal pa Benadad. 5Abituru larii dog gang me Damaciko, abityeko jo ma bedo i nota Aven, ki laloc ma i Bet-eden. Ci jo Ciria kibiterogi i opii i lobo Kir.”

Pilictia

64

Rwot owaco kuman ni, “Pi lwak bal mapol pa jo Gaja, pe abidwoko cwinya cen i pwod ma abimiyogi; pien gutero roka woko kulu i opii, ci gumiyogi i cing Edom. 7Kumeno abicwalo mac ikom taun madit me Gaja, biwango odine matego woko ducu. 8Abityeko jo ma bedo i Acidod woko, ki laloc ma i Acikelon. Abitingo cinga ikom Ekron, ki jo Piliciti ma gudong gibitum woko. Man an Rwot Lubanga aye awaco.”

Turo

95

Rwot owaco kuman ni, “Pi lwak bal mapol pa jo Turo, pe abiloko tama i pwod ma abimiyogi; pien gin gumiyo rok woko kulu i cing jo Edom, wigi pe opo ikom gicikegi me omego. 10Kumeno abicwalo mac ikom cel me Turo, biwango odine matego woko ducu.”

Edom

116

Rwot owaco kuman ni, “Pi lwak bal mapol pa jo Edom, pe abiloko tama i pwod ma abimiyogi; pien guryemo kor Icrael ki pala lucwan, gubolo kica woko ducu, kinigagi obedo lyet nakanaka, gin gukano akemogi obedo matwal. 12Kumeno abicwalo mac ikom Teman, biwango odi matego me Bojra.”

Ammon

137

Rwot owaco kuman ni, “Pi lwak bal mapol pa jo Ammon, pe abidwoko cwinya cen i pwod ma abimiyogi; pien gubaro i mon Gilead ma guyac, pi medo wang lobogi. 14Kumeno abicwinyo mac ikom cel me Raba, biwango odine matego woko ducu, ci woo madwong biwinye kunu ikare me lweny, woo madwong macalo yamo lapiru mager. 15Rwotgi kibitero i opii, en kacel ki lutice ducu bicito i opii. Man an Rwot aye ma awaco.”