गिणती

गिणती

माणूंआ री गिणती

भूमिका

गिणतिया री कताबा रे इस्राएलिया रा तकरीबन 40 साला रे इतियासो रा बखाण मिलोआ। ये सीनै रे पाह्ड़ो रे चलणे ते लयी की परमेशरो रे प्रतिज्ञा रे कित्ते रे देशो रे पूर्वो रे बन्ने तक पऊँचणे रा बखाण ए। एती कताबा रा नाओं एतेरे बखाणो रे एक खासियता खे दखाओआ, मतलब इस्राएलिया रे माणूंआ री गिणतिया खे जो मूसे सीनै रे पाह्ड़ो ते चलणे ते पईले कित्ती थी ओर फेर एक पीढ़िया ते बाद यरदन नदिया रे पूर्वो रिया तरफा खे मोआबो रे मैदानो रे कित्ती थी। इना दुँईं माणूंआ री गिणतिया रे बीचे इस्राएली कनान देशो रे दक्खण बन्ने, कादेश-बर्ने पाँदे पऊँचे, पर तेथा ते सेयो प्रतिज्ञा कित्ते रे देशो रे नि जायी सके। तेती जगा रे कई दिन रणे ते बाद, सेयो यरदन नदिया रे पूर्वी जगा री तरफा गे गये। तेती इस्राएलिया रे कुछ कुल बसी गे ओर तेथी बाकि कुलो रे लोके यरदन नदी टपी की कनान देशो रे जाणे री त्यारी कित्ती। गिणतिया री कताबा रे एक एड़ी जातिया रा बखाण मिलोआ जो मुसीबता रे सामणे उदास ओर कबराई गे थे। तिने परमेशर ओर परमेशरो रे जरिये नियुक्त कित्ते रे आपणे अगुवे, मूसे रे खलाफ साजिश कित्ती थी। ये तेसरे लोका री कमजोरिया ओर आज्ञा खे ना मानणे रे बाद बी तिना रिया तँईं परमेशरो पाँदे विश्वास ओर मूसे री लगातार देख-रेख करने रा बखाण ए। ये परमेशर ओर तेसरे लोक दुँईं रे प्रति मूसे रे सारे समर्पणो रा बखाण ए, हालाँकि कदी-कदी से उदास ऊई जाओ था।

रूप-रेखा

इस्राएलिया री सीनै रे पाह्ड़ो ते जाणे री त्यारी

माणूंआ री पईली गिणती

कईया प्रकारा रे नियम ओर कानून

फसह रा दूजा त्योआर

सीनै पाह्ड़ो ते मोआबो रे मैदानो तक

मोआबो रे मैदानो रे बीती रिया घटणा

मिस्रो ते मोआबो रे मैदानो तको री यात्रा रा बखाण

यरदन नदिया खे टपणे ते पईले दित्ते रे निर्देश