Luka

RUU TƆ̃VƗN AU SHƐ A

LUKA NAA

Yutasinɛ

Shɔ gbete bee laabeenɛm ukɔ ɔ̃rɛ Luka u ɓa Yahudawa ɓa ama pɛ likita, sɔ̃n ɓa shɔzɛ gbete atette Yesɔ jadɔɔyi naa shɔ laabeenɛ Ɗanyaruubii gãsiyi gbete i sha Yesɔ ruubii ɓa. Ruu tɔ̃vɨn au shɛ a Luka naa tasirɛ nɛ Yesɔ kɔ ɔ̃rɛ shɔgbete raa shɔ Israila a shɔzɛ a koo piti kpai. Luka beenɛ Yesɔ Uɓeyelapa suru ɓau nyarɛ aru u <<N ti shɔ raayi ruu tɔ̃vɨn>> (4.18). Shɔ bee ruu sisɨn puru ntanɛtɔ a ɓuzɨnni, Luka au gɨn-gɨn a shɔ gaa a wuniyɛ sha ruu Yesɔ anɛtɔ, au yisinɛni naa Yesɔ gẽ lapatɛ sha sɔ̃ntɔ. Shɔ laabeenɛm sha tɛttɔ a laabeenɛ Yesɔ jashonɛ akɨnti gbete Yesɔ gẽ lapa yɛ, a nɔgbete kirisayi sisɨn ãnɛ bayɛ a satirɛ a koo piti kpai.

U riinɛ 2 a 6 au pɛsiyɛ, tuu ɓɛɛ jo vivishonɛ waanɛ a shɔ kpaa a yɛti ruu tɔ̃vɨn mikɔ shɛɛli, naa ruuɓere Ɗashonɛlapa soo a jagavivaa i nyageenɛ aɗagbete shɔ yee Yesɔ yɛ, Yesɔ a wɛrɛ Ɗa naa jajja a ruuɓusinɛ e shɔ Samarita tɔ̃vɨn a mɛrɛ̃ɛ̃ au niiyɛ. A yɛti ruu tɔ̃vɨn kpai shɔ ã kaka ba a ruu Ɗa gakinɛ, Ɗa Suru, soroyi vishonɛ a Yesɔ ɗɔvishonɛ, a Ɗalapa shɔ ruuvini yaasinɛ.

Vi au Ɓuzɨn yɛ

Yutasinɛ (1.1-4)

Yɔhana shɔ Batizima yeenɛ u banɛ a Yesɔ ɓɛɛni (1.5-2.52)

Yɔhana shɔ batizima ɗɔvishonɛ (3.1-20)

Yesɔ batizima pɛlinɛ a sisɨnntanɛ (3.21-4.13)

Yesɔ vishonɛ au pɛli a shɔnɔɔ a Galili (4.14-9.50)

Yunɛ Galili anɛ Urushalima (9.51-19.27)

Dii maanzii au wasinaa Yesɔ u si maani Urushalima ni (19.28-23.56)

Uɓeyelapa yunɛ saa, shɛlinɛ, au gẽnɛni (24.1-53)