ଆରାମ୍
Genesis
Introduction from this edition
ଆଦି ବଇତେ ପରିଚୟ
ଆଦି ବଇତେ ପରିଚୟ୍
ଲେକ୍ତେନଣ୍ଡ, ତାରିକ୍ ନୁ ପାହେମ୍ ଆଦାନାଦ୍
ନିୟମ୍ତେ ଲେକାମ୍, ମୋଶା ଆଦି ବଇ ନୁ ଅବଶିଷ୍ଟ ପ୍ରଥମ ୫ ଟା ବଇ (ପେଣ୍ଟାଟେଚ୍) ତେ ଲେକକ୍ ଇନା ଇକେଆକେ ମାଡ଼ାଙ୍କ୍ ଆଦୁତ୍ (ଗଣାନ ୩୩:୨; ଦ୍ୱିତିୟ ବିବରଣି ୩୧: ୨୪; ଯୋହନ ୫: ୪୬ ଉଡ଼୍ଟା)। ନିଜାମ୍, ମୋଶା ଆଦିତେ ଗଟଣା ଅପେକ୍ଷା ନାର୍ଗେ ଲେଟ୍ତେ ବାଦ୍କ୍ତଣ୍ଡ୍। ସମ୍ଭବତ୍, ଆ ମୁନେତ୍ ଗଟଣାକିନ୍ ବିଷୟତେ ୱେସକି ମଦଲ୍ ରଃସ୍ମାତ୍ତଡ଼୍ ନୁ ମୋଶା ଅଣ୍ଡ୍ ସାରେ ବିଷୟତିଙ୍କ୍ ଅଣ୍ଡୟ୍ତାଗ୍ ମାଡ଼ିମାତ୍ତଣ୍ଡ୍।
ପ୍ରଥମ ଦର୍ଶନ ଇସ୍ରାଏଲୀୟ ମୋଶା ମରୁବୁମି ଇସ୍ ଆଦାନାଦ୍ ମାତ୍ତେ। ନେଣ୍ଡ୍ କାରିୟାନଡ଼୍ ମାଇଦିଙ୍କ୍, ଆଦି ବଇ ବାଇବଲ୍ତେ ଅବଶିଷ୍ଟ ମାନ୍ଦାନ୍ ଅଣ୍ଡୟ୍ ଦରକାର୍ ପରିଚୟ୍ ବଇ। ଇଦିଙ୍କ୍ ଟିକ୍ ସମୟ୍ତେ ଆରାମ୍ତେ ବଇ ଇଞ୍ଜ୍ କେତିତଡ଼୍।
ବିଷୟ ବସ୍ତୁ
ଆଦି ବଇ ଆଦୁତ୍ ସୃଷ୍ଟି, ପାପ୍ ନୁ ପୁନେ ସୃଷ୍ଟିତେ ବିବରଣ। ଇଶ୍ୱର୍ ଜଗତତିଙ୍କ୍ ଲେକେତ୍ ସାୟେ ସୃଷ୍ଟି ମାଡ଼ିମାତ୍ତଣ୍ଡ୍, କିନ୍ତୁ ମୁନେ ଇଦିଙ୍କ୍ ଅବିଶାପ ଇସ୍ ମାତ୍ତଣ୍ଡ୍ ନୁ ପେର୍କେ ନାରୁଡ଼୍ତେ ଅନ୍ଆଦେଶ୍ତେ ମାଇଦିଙ୍କ୍ ଇଦିଙ୍କ୍ ବୁଡ଼େଲ୍ତେ ବିନଷ୍ଟ ମାଡ଼ିମାତ୍ତଣ୍ଡ୍। ବୁଡ଼େଲ୍ ପେର୍କେ ଆସ୍ ମାନ୍ଦାନ୍ ପୁନେ ଜଗତକଞ୍ଚ୍ ନାରୁଡ଼୍ ପାପ ତଡ଼୍ ନଷ୍ଟ ଆସ୍ ମାତ୍ତେ (ଅଧ୍ୟାୟ ୧୧) । ଇଶ୍ୱର୍ ଅବ୍ରହାମତିଙ୍କ୍ ଅଣ୍ଡୟ ଉଦ୍ଦେଶ୍ୟତିଙ୍କ୍ ଏଞ୍ଚିମାତ୍ତେ। ଅନ୍ ପରିବାର ଇସ୍ ସାରେ ଜାତି ଆଶିର୍ବାଦ ପାହେମ୍ ଆଦ୍ତଡ଼୍ ୧୨:୧-୩ । ଅବ୍ରହାମତେ ପିଲୁଡ଼୍ତଡ଼୍ ଶେଷତେ ଇଶ୍ୱରତେ ଉଦ୍ଦେଶ୍ୟ ପୁରା ଆଦ୍ତେ (ଅଧ୍ୟାୟ ୪୯) ।
ମୁକ୍ୟ ବିଷୟ ବସ୍ତୁ
୧. ପ୍ରବୁ ଇଶ୍ୱର୍ ନାରୁଡ଼୍କିଙ୍କ୍ ପୃତିବିତାଗ୍ ଅନ୍ ପ୍ରତିନିଦି ଆଦାନଙ୍କ୍ ନିର୍ଦ୍ଦେଶ ଇଦ୍ତଣ୍ଡ୍। ଅଡ଼୍କିଂଙ୍କ୍ ପୃଥିବିତେ ଯତ୍ନ ଅଦାନାଦ୍ ସାୟେ ନୁ ୱେରେତ୍ ଜିୱାକିଙ୍କ୍ ଶାସନ ମାଡ଼ାନାଦ୍ ସାୟେ ୧:୧ ୨:୨୫ ।
୨. ପୃତିବିତେ ଇଶ୍ୱରତିଙ୍କ୍ ପ୍ରତିନିଦି ଇନା ପାଡ଼ିୟ୍ ମାଡ଼ାନ୍ ବାଦୁଲ୍ତେ, ପ୍ରଥମ ମାନେୟି ନୁ ନାଟାଡ଼୍ - ଆଦମ୍ ନୁ ହବା - ତାଡ଼ାମ୍ତେ ଗଟ୍ତିଙ୍କ୍ କେଞ୍ଜ୍ତେ ନୁ ତାନ୍ ଉଦେଶ୍ତିଙ୍କ୍ ଅନୁସରଣ ମାଡ଼୍ତେ । ଅଡ଼୍ ଅନ୍ଆଦେଶ୍ତେ ସାରେ ନାରୁଡ଼୍ଜାତି ନୁ ସାରେ ସୃଷ୍ଟି ଜଗତ ମାଇଦିଙ୍କ୍ ଦର୍ର୍କେତେ ସାରେ ବିଷୟ୍ ୩:୧-୨୪ ୬:୫-୬।
୩. ଇଶ୍ୱର୍ ଦୟାତେ ଘୋଷଣା ମାଡ଼ିମିନ୍ଦେଣ୍ଡ୍ ଯେ ହବାନ୍ ବଂଶ ମାନବିକତାତିଙ୍କ୍ ତାଡ଼ାମ୍ତେ ବିପଦ୍ତାଗାଙ୍କ୍ ମୁକ୍ତ ମାଡ଼ିତେ ୩:୧୫ । ଆଦି ପେର୍କେ ୱେରଡ଼୍ ପରିବାର୍ତେ ଇତିହାସ୍ ଲେକାମ୍ ଆରାମ୍ ଆଦ୍ତେ ବାତେ ଇସ୍ରାଏଲ୍ତେ ନାରୁଣ୍ଡ୍ ଆଦ୍ତଣ୍ଡ୍ । ଇଦ୍ ପରିବାର୍ତେ ଇଶ୍ୱର୍ତଡ଼୍ ୱେରଡ଼୍ ସମ୍ପର୍କ ମିନ୍ଦେ ନୁ ମାଇତେ ମାନବିକାତା ସେଙ୍ଗେ ଆଶିର୍ବାଦ୍ତେ ଉତ୍ସ ଆଦ୍ତେ ୧୨:୧-୩ ।
୪. ଆଦମ୍ ଆଦେଶ୍ ମାନେମ୍ ଆୟ୍ୱାଙ୍କ୍, ବୁମ୍ତଡ଼୍ ଅନାଦ୍ ୱେରେ ୱେରେ ସମ୍ପର୍କ କାରାପ୍ ଆଦ୍ତେ, କାୟେ ଲେକାମ୍ ନାର୍ଗେ ତିପାଲ୍ ନୁ ପେର୍କେ ବନ୍ୟା ନୁ ଦୁର୍ବିକ୍ଷତେ ଦଂସ ମାଡ଼୍ତେ। କିନ୍ତୁ ଆଦମ୍ତାଗାଙ୍କ୍ ୱାସମାନ୍ଦାନ୍ ସ୍ୱତନ୍ତ୍ର ପରିବାର୍ ମିକା ସାରେ ଅସୁବିଦାତାଗାଙ୍କ୍ ମୁକ୍ତି ତାତିତେ ୩:୧୭-୧୯ ୫:୨୯; ୫୦: ୧୯-୨୧ ।
୫. ବେସୁଙ୍କ୍ ପିଲା ଜନ୍ମ ମାଡ଼ାନ୍ ଯନ୍ତ୍ରଣା ପରୁ ହବାନ୍ ଦଣ୍ଡତିଙ୍କ୍ ଗ୍ରହଣ ମାଡ଼୍ତେ ୩:୧୬ ୱେରେ ୱେରେ ପରିବାର୍ ସାରେ ଆଦ୍ଲେକାମ୍ ମାନ୍ନାଙ୍କ୍ ନାଟା ଅଣ୍ଡ୍ ଗୁରୁତ୍ୱପୂର୍ଣ୍ଣ ବୁମିକା ଗ୍ରହନ୍ ମାଡ଼୍ତା। ଇଶ୍ୱର୍ତେ ସାହାଯ୍ୟତେ ୱାଞ୍ଜଲ୍ ଆନ୍ତେ ଦୂର୍ ଆଦ୍ତା ୧୧:୩୦ ୨୧:୧-୭ ୨୫:୨୧; ୩୮:୧-୩୦ ।
୬. ନାରୁଡ଼୍ ୱେରେତ୍ କାମ୍ସାରେ ପରିବାର୍ତିଙ୍କ୍ ଦୁଡ଼ା ଦୁଡ଼ା ମାଡ଼ାନ୍ କାରଣ ଆଦ୍ତେ ୪:୧-୧୬ ୧୩: ୫-୮; ୨୫:୨୨-୩୧; ୨୭:୪୧-୪୫; ୩୭:୨-୩୫ । ଯଦି ଆଦି ବହିତେ ପରିବାର୍ତେ କଲହରତେ ବାସ୍ତବତା ଲେକାଆଦ୍ତେ, ହେଞ୍ଚିମାନ୍ଦାନ୍ ପରିବାର୍ତେ ବେଡ଼ିୟ୍ ସଦସ୍ୟନଡ଼୍ ମିକା ଆଦ୍ ରାମ୍କିନ୍ ସମାଦାନ୍ ମାଡ଼ାନଙ୍କ୍ ସାହାଯ୍ୟ ମାଡ଼ିତଡ଼୍ ୧୩:୮-୧୧ ୩୩:୧-୧୧ ୪୫:୧-୨୮ ୫୦:୧୫-୨୧ ।
୭. ୱେସଡ଼୍ତେ ଏଦନ୍ତେ ନାରୁଡ଼୍ଆସ୍ ପୃତିବିତାଗ୍ ୱେରେ ୱେରେ ଆସ୍ ମିନ୍ଦେଡ଼୍ ୩:୨୨-୨୪ ୪:୧୨-୧୬ ୧୧:୯ । କିନ୍ତୁ ଇଶ୍ୱର୍ ତାନ୍ ହେଞ୍ଚିମାନ୍ଦାନ୍ ନାରୁଡ଼୍ ପରୁ ଦୟାଳୁ ଆଦ୍ତଣ୍ଡ୍ ନୁ ଅଡ଼୍ ଅଡ଼୍ୱାଦ୍ ନିଜେତେ ୱେରଡ଼୍ ଦେଶ୍ ପ୍ରତିଜ୍ଞା ମାଡ଼ିତଣ୍ଡ୍ (୧୨: ୧-୨, ୭; ୧୫:୭-୨୧; ୨୮:୧୩-୧୪; ୫୦:୨୪) ।
୮. ଇଶ୍ୱର୍ ନାରୁଡ଼୍ତେ କାରାପ୍ ସେଙ୍ଗେ ପ୍ରାୟ ସାରେତଡ଼୍ ନାରୁଡ଼୍ ଜାତିତିଙ୍କ୍ ଦଂସ ମାଡ଼ାନଙ୍କ୍ ତିଆର୍ ଆସ୍ମାତ୍ତଡ଼୍ ୧:୭ ୧୧-୧୨ ୧୮:୧୭-୩୩ । କିନ୍ତୁ ଅଣ୍ଡ୍ ଆଗେକ୍ବା ଇଚ୍ଛାମାଡ଼ିତଣ୍ଡ୍ ଯେ ତାନ୍ ଜଗତ୍ ଦାର୍ମିକ୍ ନାରୁଡ଼୍ତଡ଼୍ ନାରୁଡ଼୍ ମାନ୍ଦାନାଦ୍ ଆୟି ୧:୨୮ ୯:୧ ୧୫:୧-୫ ୩୫:୧୧।
ବାହ୍ୟରେକା
୧. ପ୍ରାଥମିକ ଇତିହାସ୍ ୧:୧ ୧୧:୨୬।
କ. ଇଶ୍ୱର୍ତେ ସୃଷ୍ଟି ନୁ ସ୍ୱର୍ଗ ନୁ ପୃତିବିତେ କ୍ରମ ୧:୧ ୨:୩।
ଖ. ପୃତିବିତେ ପ୍ରତମ୍ତେ ନାରୁଡ଼୍ ୨:୪ ୪:୨୬।
ପୂରା. ଆଦମ୍ତେ ବଂଶ ୫:୧ ୬:୨୬।
ଘ. ନୋହତେ ବଂଶ ୬:୯ ୯:୨୯।
ଙ. ନୋହତେ ମାର୍କିଡ଼୍ ବଂଶ ୧୦:୧ ୧୧:୯।
ଚ. ଶେମତେ ବଂଶ ୧୧:୧୦-୨୬।
୨. ଆନି ଦାଦଡ଼୍ ଇତିହାସ୍ ୧୧:୨୭ ୫୦:୨୬।
କ. ତେରହତେ ବଂଶ ୧୧:୨୭ ୨୫:୧୮।
ଖ. ଇଶାହାକ୍ତେ ବଂଶ ୨୫:୧୯ ୩୭:୧।
ପୂରା. ଯାକୁବ୍ତେ ବଂଶ ୩୭:୨ ୫୦:୨୬।
ଆଦି ବହି ସମୟ୍ତେ ଗାରେମାନ୍ଦାନ୍ ପୁର୍ବ
କ୍ରୀଷ୍ଟ ପୁର୍ବ ୨୦୦୦
ଆଦି ବହି ପ୍ରାଚିନ୍ ଗାରେତେ ମୁନେଙ୍କ୍ତେ ସଭ୍ୟତାତେ ଆରାମ୍ତେ ଯାକୁବ୍ତେ (ଇସ୍ରାଏଲ୍ତେ) ପରିବାର୍ତିଙ୍କ୍ ମିଶର୍ତାଗ୍ ଏକାମ୍ ଯାକ ବର୍ଣ୍ଣନା ମାଡ଼୍ତେ। ମିସର୍, ଅଶୂର, ବାବିଲୋନିଆ ନୁ ଏଲାମ୍ ସମେତ ପୃତିବିତେ ବେସ୍କ୍ ପାଃନ୍ତେ ରାଷ୍ଟ୍ରହେୱୁନା ଆଦ୍ବଇତେ ୱେଷଡ଼୍ ଲେକାଆତ୍ତେ।
Koya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.