Koya Bible
ଆରାମ୍ 5
ଆଦମ୍ତେ ପିଲୁଡ଼୍
(୧ ବଂଶାବଲି ୧:୧-୪)
ଆଦମ୍ତେ ପିଲୁଡ଼୍ ବିଷୟ ଇଦ୍। ବେନ୍ ଦିନେ ପରମେଶ୍ୱର ନାରୁଙ୍କ୍ ତିଆର୍ ମାଡ଼୍ତଣ୍ଡ୍, ଆ ଦିନ୍ ପରମେଶ୍ୱରତେ ରକମ୍ ଅଣ୍ଡ୍ ଅଂକିଙ୍କ୍ ତିଆର୍ ମାଡ଼୍ତଣ୍ଡ୍; ମାନେଇ ନୁ ନାଟାଡ଼୍ ମାଡ଼ି ଅଣ୍ଡ୍ ଅଡ଼୍କିଙ୍କ୍ ତିଆର୍ ମାଡ଼୍ତଣ୍ଡ୍; ମେଣ୍ଡେ ଅଡ଼୍ ତିଆର୍ ଆଦାନ୍ ଦିନ୍ ଅଡ଼୍କିଙ୍କ୍ ଆଶିର୍ବାଦ୍ ମାଡ଼ି ଆଦମ୍ତିଙ୍କ୍ (ମାନେଇ) ପେଦେର୍ ଇତ୍ତଣ୍ଡ୍। ଆଦମ୍ ଶହେ ତିରିଶ୍ ବର୍ଷ ବୟସ୍ତେ ନିଜର୍ ରକମ୍ତେ ନୁ ନିଜତ୍ମକମ୍ତେ ଅଣ୍ଡ୍ ମାର୍ ଜନ୍ମ ମାଡ଼ି ଅନ୍ ପେଦେର୍ ଶେଥ ଇତ୍ତଣ୍ଡ୍। ଶେଥତେ ଜନ୍ମ ପେର୍କେ ଆଦମ୍ ଆଟଶହ ବର୍ଷ ବାଦ୍କି ମେଣ୍ଡେ ପିକିପେକଡ଼୍କ୍ ଜନ୍ମ ମାଡ଼୍ତଣ୍ଡ୍। ଆଦମ୍ ବାଦ୍କ୍ତେ ବୟସ୍ ନଅଶହ ତିରିଶ୍ ବର୍ଷ ମାତ୍ତଣ୍ଡ୍; ତାନ୍ପେର୍କେ ଅଣ୍ଡ୍ ଡଲ୍ତଣ୍ଡ୍।
ଶେଥ ଶହେ ପାଞ୍ଚ୍ ବର୍ଷ ବୟସ୍ତେ ଈନୋଶତିଙ୍କ୍ ଜନ୍ମ ମାଡ଼୍ତଣ୍ଡ୍; ଈନୋଶ୍ତେ ଜନ୍ମ ଆତ୍ପେର୍କେ ଶେଥ ଆଟଶହ ସାତ ବର୍ଷ ବାଦ୍କି ମେଣ୍ଡେ ମାର୍ମାୟାସ୍କିଙ୍କ୍ ଜନ୍ମ ମାଡ଼୍ତଣ୍ଡ୍। ଶେଥ ବାଦ୍କ୍ତେ ବୟସ୍ ନଅଶହ ବାର ବର୍ଷ ମାତ୍ତେ; ତାନ୍ ପେର୍କେ ଅଣ୍ଡ୍ ଡଲ୍ତଣ୍ଡ୍।
ଈନୋଶ ନବେ ବର୍ଷ ବୟସ୍ତେ କୟିନାନତିଙ୍କ୍ ଜନ୍ମ ମାଡ଼୍ତଣ୍ଡ୍; ମେଣ୍ଡେ କୟିନାନ ଜନ୍ମ ଆତ୍ପେର୍କେ ଈନୋଶ ଆଟଶହ ପନ୍ଦର ବର୍ଷ ବାଦ୍କି ମେଣ୍ଡେ ମାର୍ମାୟାସ୍କ୍ ହେତ୍ତଣ୍ଡ; ଈନୋଶ ବାଦ୍କ୍ତେ ବୟସ୍ ନଅଶହ ପାଞ୍ଚ ବର୍ଷ ମାତ୍ତଣ୍ଡ୍; ତାନ୍ପେର୍କେ ଅଣ୍ଡ୍ ଡଲ୍ତଣ୍ଡ୍।
କୟିନାନ ସତୁରି ବର୍ଷ ବୟସ୍ତେ ମହଲଲେଲଙ୍କ୍ ଜନ୍ମ ମାଡ଼୍ତଣ୍ଡ୍; ମହଲଲେଲ ଜନ୍ମ ଆତ୍ତେ ପେର୍କେ କୟିନାନ ଆଟଶହ ଚାଲିଶ୍ ବର୍ଷ ବାଦ୍କି ମେଣ୍ଡେ ମାର୍ ମାୟାସ୍ ହେତ୍ତଣ୍ଡ୍; ମେଣ୍ଡେ କୟିନାନତେ ବାଦ୍କ୍ତେ ବୟସ୍ ନଅଶହ ଦଶ ବର୍ଷ ମାତ୍ତଣ୍ଡ୍; ତାନ୍ପେର୍କେ ଅଣ୍ଡ୍ ଡଲ୍ତଣ୍ଡ୍।
ମହଲଲେଲ ପଞ୍ଚଷଟି ବର୍ଷ ବୟସ୍ତେ ଯେରଦଙ୍କ୍ ଜନ୍ମ ମାଡ଼୍ତଣ୍ଡ୍; ଯେରଦ ଜନ୍ମ ଆତ୍ପେର୍କେ ମହଲଲେଲ ଆଟଶହ ତିରିଶ ବର୍ଷ ବାଦ୍କି ମେଣ୍ଡେ ମାର୍ମାୟାସ୍କ୍ ହେତ୍ତଣ୍ଡ୍; ମହଲଲେଲତେ ବାଦ୍କ୍ତେ ବୟସ୍ ଆଟଶହ ପଞ୍ଚାନବେ ବର୍ଷ ବାଦ୍କି; ତାନ୍ପେର୍କେ ଅଣ୍ଡ୍ ଡଲ୍ତଣ୍ଡ୍।
ଯେରଦ୍ ଶହେ ବାଷଟି ବର୍ଷ ବୟସ୍ତେ ହନୋକତିଙ୍କ୍ ଜନ୍ମ ମାଡ଼୍ତଣ୍ଡ୍; ହନୋକ୍ ଜନ୍ମତେ ପେର୍କେ ଯେରଦ ଆଟଶହ ବର୍ଷ ବାଦ୍କି ମେଣ୍ଡେ ମାର୍ମାୟାସ୍କ୍ ହେତ୍ତଣ୍ଡ୍; ଯେରଦ୍ତେ ବାଦ୍କ୍ତେ ବୟସ୍ ନଅଶହ ବାଷଟି ବର୍ଷ ମାତ୍ତଣ୍ଡ୍; ତାନ୍ପେର୍କେ ଅଣ୍ଡ୍ ଡଲ୍ତଣ୍ଡ୍।
ହନୋକ ପଞ୍ଚଷଟି ବର୍ଷ ବୟସ୍ତେ ମତୁଶେଲହତିଙ୍କ୍ ଜନ୍ମ ମାଡ଼୍ତଣ୍ଡ୍; ମତୁଶେଲହତେ ଜନ୍ମତେ ପେର୍କେ ହନୋକ ତିନିଶହ ବର୍ଷ ଏୱୁନା ପରମେଶ୍ୱର ତଡ଼୍ ଆଦାୱାଦା ମାଡ଼୍ତଣ୍ଡ୍, ମେଣ୍ଡେ ଅଣ୍ଡ୍ ମାର୍ମାୟାସ୍କ୍ ହେତ୍ତଣ୍ଡ୍; ହନୋକ ବାଦ୍କ୍ତେ ବୟସ୍ ତିନିଶହ ପଞ୍ଚଷଟି ବର୍ଷ ମାତ୍ତଣ୍ଡ୍; ହନୋକ ପରମେଶ୍ୱର ତଡ଼୍ ଆଦାୱାଦା ମାଡ଼୍ତଣ୍ଡ୍; ମେଣ୍ଡେ ଅଣ୍ଡ୍ ମାୟ୍ତଣ୍ଡ୍; ବାତେଙ୍କ୍ଇତ୍କେ ପରମେଶ୍ୱର ଅଂକିଙ୍କ୍ ଗ୍ରହଣ ମାଡ଼୍ତଣ୍ଡ୍।
ମତୁଶେଲହ ଶହେ ଶତାଶି ବର୍ଷ ବୟସ୍ତେ ଲେମକ୍ତିଙ୍କ୍ ଜନ୍ମ ମାଡ଼୍ତଣ୍ଡ୍; ଲେମକ୍ତେ ଜନ୍ମ ଆତ୍ପେର୍କେ ମତୁଶେଲହ ସାତଶହ ବୟାଶି ବର୍ଷ ବାଦ୍କି ମେଣ୍ଡେ ମାର୍ମାୟାସ୍କ୍ ହେତ୍ତଣ୍ଡ୍; ମତୁଶେଲହ ବାଦ୍କ୍ତେ ବୟସ୍ ନଅଶହ ଉଣସ୍ତରି ବର୍ଷ ମାତ୍ତଣ୍ଡ୍; ତାନ୍ପେର୍କେ ଅଣ୍ଡ୍ ଡଲ୍ତଣ୍ଡ୍।
ଲେମକନ ଶହେ ବୟାଶି ବୟସ୍ତେ ୱେରଙ୍କ୍ ମାରିଙ୍କ୍ ଜନ୍ମ ମାଡ଼୍ତଣ୍ଡ୍, ନୁ ଅନ୍ ପେଦେର୍ ନୋହ ଇତ୍ତଣ୍ଡ୍, ବାତେଙ୍କ୍ଇତ୍କେ ଅଣ୍ଡ୍ କେତ୍ତଣ୍ଡ୍ ସଦାପ୍ରବୁନ୍ ତଡ଼୍ ଅବିଶାପ୍ ବୁମ୍ତାଗ୍ ମାନ୍ ପାଡ଼ିୟ୍ ନୁ କାୟ୍ଦେ କଷ୍ଟ ବିଷୟ୍ତେ ଇଣ୍ଡ୍ ମାନ୍ ମାଇଦିଙ୍କ୍ ଶାନ୍ତି ଜନ୍ମ ମାଡ଼ିତଣ୍ଡ୍। ନୋହନ୍ ଜନ୍ମତେ ପେର୍କେ ଲେମକ ପାଞ୍ଚଶହ ପଞ୍ଚାନବେ ବର୍ଷ ବାଦ୍କି ମେଣ୍ଡେ ମାର୍ମାୟାସ୍କ୍ ହେତ୍ତଣ୍ଡ୍; ଲେମକ ବାଦ୍କ୍ତେ ବୟସ୍ ସାତଶହ ସତସ୍ତରି ବର୍ଷ ମାତ୍ତଣ୍ଡ୍; ତାନ୍ ପେର୍କେ ଅଣ୍ଡ୍ ଡଲ୍ତଣ୍ଡ୍। ମେଣ୍ଡେ ନୋହଙ୍କ୍ ପାଞ୍ଚଶହ ବର୍ଷ ବୟସ୍ ଆତ୍ତେ; ମେଣ୍ଡେ ନୋହ, ଶେମ ନୁ ହାମ ନୁ ଯେପତ୍ତିଙ୍କ୍ ଜନ୍ମ ମାଡ଼୍ତଣ୍ଡ୍।
Koya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.