Koya Bible
ଆରାମ୍ 10
ନୋହନ୍ ପିଲାନ୍ ପିଲୁଡ଼୍
(୧ ବଂଶାବଲି ୧:୫-୨୩)
ଶେମ, ହାମ, ଯେପତ୍ ପେଦେର୍ତେ ନୋହତେ ମାର୍କିଡ଼୍ ପିଲୁଡ଼୍ ଇଦ୍। ଏର୍ ମୁହୁଃତାନାଦିନ୍ ପେର୍କେ ଅଡ଼୍କିଙ୍କ୍ ଇ ସାରେ ପିଲା ଜନ୍ମ ଆସ୍ ମାତ୍ତା।
ଗୋମର୍, ମାଗୋଗ୍, ମାଦୟ୍ ନୁ ଯବନ, ତୂବଲ୍, ମେଶକ୍ ନୁ ତିରସ୍, ଇଡ଼୍ ଯେପତ୍ତେ ପିଲା। ଅସ୍କିନସ ନୁ ରୀଫତ୍ ନୁ ତୋର୍ଗମା, ଇଡ଼୍ ଗୋମର୍ତେ ପିଲା। ମେଣ୍ଡେ ଇଲୀଶା ନୁ ତର୍ଶୀଶ ନୁ କିତ୍ତୀମ ନୁ ଦୋଦାନୀମ, ଇଡ଼୍ ଯବନତେ ପିଲା। ଇଡ଼୍ ଆଗାଙ୍କ୍ ୱେରେଦେଶ୍ତେ ଗପିନାଗ୍ ମାନ୍ଦାନ୍ ନିବାସିଡ଼୍ ନିଜର୍ତେ ଦେଶ୍ବିଦେଶ୍ତେ ହଜାର୍ ହଜାର୍ ବାଷାତଡ଼୍ ସାରେ ହେକାମ୍ ଆସ୍ ନିଜର୍ ନିଜର୍ ପିଲୁଡ଼୍ ନୁ ଗୋଷ୍ଠି ଲେକାମ୍ ୱେର୍ ଆତ୍ତଡ଼୍।
କୂଶ ନୁ ମିସର୍ ନୁ ପୂଟ୍ ନୁ କିଣାନ, ଇଡ଼୍ ହାମର୍ତେ ପିଲା। ସବା ନୁ ହବୀଲା ସପ୍ତା ନୁ ରୟମା ନୁ ସପ୍ତକା, ଇଡ଼୍ କୂଶର୍ତେ ପିଲା। ଶିବା ନୁ ଦଦାନ, ଇଡ଼୍ ରୟମାତେ ପିଲା। ନିମ୍ରୋଦ୍ କୂଶର୍ତେ ମାର୍; ଅଣ୍ଡ୍ ପୃତିବୀତେ ଲପେ ଶକ୍ତିଶାଳି ଆଦାନଙ୍କ୍ ପସ୍ପତଣ୍ଡ୍। ଅଣ୍ଡ୍ ସଦାପ୍ରବୁନ୍ ମୁନେ ବେଡ଼୍ୟେ ବନୁଆଲ୍ ଆଦାନଙ୍କ୍ ପସ୍ପ୍ତଣ୍ଡ୍; ଆଦିଙ୍କ୍ ନାରୁଡ଼୍ ଇଞ୍ଜେଆନା ଇଦ୍ ୱେଷଡ଼୍ କେତିତଡ଼୍, ସଦାପ୍ରବୁନ୍ ପାକେ ନିମ୍ରୋଦ୍ ବେଡ଼୍ୟେ ବନୁଆଲ୍ ଲେକାମ୍ ମାଡ଼ିଣ୍ଡ୍। ମେଣ୍ଡେ ଶିନିୟର ଦେଶ୍ତେ ବାବିଲ୍, ଏରକ, ଅକ୍କଦ୍ ନୁ କଲନି, ଇ ସାରେ ନଗର ଅନ୍ ପ୍ରତମ୍ ରାଜ୍ୟ ଆତ୍ତେ । ଆ ଦେଶ୍ତାଗାଙ୍କ୍ ଅଶୂର ପେୟ୍ସ୍ ନୀନିବୀ ନୁ ରହୋବୋତ୍ ପୁରୀ ନୁ କେଲହ, ମେଣ୍ଡେ ନୀନିବୀ ନୁ କେଲହତେ ନାଡ଼୍ମେତ୍ ରେଷନ୍ ନଗର୍ ତିଆର୍ ମାଡ଼୍ତଣ୍ଡ୍; ଇ ରେଷନ୍ ବେଡ଼ିୟ୍ ନଗର।
ମେଣ୍ଡେ ଲୁଦିୟ, ଅନାମୀୟ, ଲହାବୀୟ ନୁ ନପ୍ତୁଦୀୟ୍ ପଥ୍ରୋଷିୟ ନୁ ପଲେଷ୍ଟିୟଡ଼୍ ମୁନେତ୍ ନାରୁଣ୍ଡ୍ କସ୍ଲୁହୀୟ ନୁ କପ୍ତୋରୀୟ, ଇଡ଼୍ ମିସର୍ତେ ପିଲା।
ମେଣ୍ଡେ କିଣାନ୍ତେ ବେଡ଼ିୟ୍ ମାର୍ ସୀଦୋନ, ବେନ କି ସିଦନୀୟତଡ଼୍ ମାର୍ ମାତ୍ତଣ୍ଡ୍ ନୁ ତାନ୍ ଦ୍ୱିତିୟ ମାର୍ ହେତ୍ତେ ବେନ ସୀଦୋନଡ଼୍ ବାବାଲ୍ ମାତ୍ତଣ୍ଡ୍। ନୁ ଯିବୂଷୀୟ ନୁ ଇମୋରିୟ ନୁ ଗିର୍ଗାଶୀୟ ନୁ ହିବ୍ଦୀୟ ନୁ ଅର୍କୀୟ ନୁ ସିନିୟ ନୁ ଅର୍ବଦିୟ ନୁ ସମାରୀୟ ନୁ ହମାତୀୟ, ଅନନ୍ତର କିଣାନୀୟଡ଼୍ ପିଲୁଡ଼୍ ସାରେ ପାକା ଆତ୍ତା । ଆସୁଟ୍ ସୀଦନତାଗାଙ୍କ୍ ଗରାର୍ତେ ପାକା ଗସାତେ ଯାକ, ମେଣ୍ଡେ ସଦୋମ ନୁ ହମୋରା ନୁ ଅଦ୍ମା ନୁ ସବୋୟିମ ଦିଗ୍ତା ଲେଶା ଯାକ କିଣାନୀୟଡ଼୍ ମାନ୍ଦାନ୍ ସୀମା ମାତ୍ତେ। ନିଜର୍ ନିଜର୍ ଦେଶ ନୁ ଗୋଷ୍ଠିତେ ଅଡ଼୍ ପିଲୁଡ଼୍ ନୁ ବାଷାଲେକାମ୍ ଇ ସାରେ ହାମତେ ପିଲା।
ଯେପତ୍ତେ ବେଡ଼ିୟ୍ ଦାଦାଲ୍ ଶେମଙ୍କ୍ ଆନ୍ତେ ପିଲାଜିଲା ମାତ୍ତା, ଇତ୍କେ, ଅଣ୍ଡ୍ ଏବର୍ତେ ପିଲାନ୍ ମୁନେତ୍ ନାରୁଣ୍ଡ୍ ମାତ୍ତଣ୍ଡ୍। ଶେମନ୍ତେ ଇ ସାରେ ପିଲା, ଏଲମ୍, ଅଶୂର ଅର୍ଫକ୍ଷଦ, ଲୂଦ ନୁ ଅରାମ୍। ଅରାମ୍ତେ ପିଲା ଇୱୁ ଉଷ୍, ହୂଲ, ଗେତର ନୁ ମଶ୍। ମେଣ୍ଡେ ଅର୍ଫକ୍ଷଦତେ ପିଲା ଶେଲହ, ଶେଲହତେ ପିଲା ଏବର୍। ଏବର୍ତେ ଇର୍ୱୁଡ଼୍ ମାର୍କ୍ ମାତ୍ତଡ଼୍; ଏକର ପେଦେର୍ ପେଲଗ୍ (ୱେରେ), ଇତ୍କେ ଆ ସମୟ୍ତେ ପୃତିବୀ ୱେରେ ଆତ୍ତେ; ତାନ୍ ତାମୁନ୍ତେ ପେଦେର୍ ଯକ୍ତନ୍ । ମେଣ୍ଡେ ଯକ୍ତନ୍ତେ ମାର୍କ୍ ଅଲମୋଦଦ, ଶେଲପ୍, ହତ୍ସର୍ମାବତ୍ ନୁ ଯେରହ ନୁ ହଦୋରାମ, ଉଷଲ, ଦିକ୍ଲ ନୁ ଓବଲ, ଅବୀମାୟେଲ୍, ଶିବା ନୁ ଓଫିର, ହବୀଲା ନୁ ଯୋବବନ୍, ଇ ସାରେ ଯକ୍ତନ୍ତେ ପିଲା। ମେଷା ଅବଦି ମୁନେତ୍ ପାକେ ସଫାର୍ ମେଟେତ୍ ଯାକ ଅଡ଼୍ୱାଦ୍ ମାନ୍ଦାନାଦ୍ ସୀମା ମାତ୍ତା। ନିଜର୍ ନିଜର୍ ଦେଶ୍ତେ ଅଡ଼୍ ପିଲୁଡ଼୍ ନୁ ଗଟି ନୁ ଗୋଷ୍ଠି ଲେକାମ୍ ଇ ସାରେ ଶେମତେ ପିଲା।
ନିଜର୍ ନିଜର୍ ନଗର୍ତେ ଅଡ଼୍ ପିଲୁଡ଼୍ ଲେକାମ୍ ଇଡ଼୍ ନୋହନ୍ ପିଲୁଡ଼୍ ମାତ୍ତଡ଼୍; ମେଣ୍ଡେ ଏର୍ ମୁହୁଃତାନାଦ୍ ପେର୍କେ ଇଡ଼ାଗାଙ୍କ୍ ପେୟ୍ତେ ୱେର୍ ୱେର୍ ଗୋଷ୍ଠି ପୃତିବିତାଗ୍ ୱେରେ ଆତ୍ତଡ଼୍।
Koya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.