1 इतिहास

इतिहास की पैहली किताब

लेखक

1 इतिहास की किताब म्ह लेखक का नाम न्ही सै, यहूदी परम्परा के मुताबिक एज्रा इसका लेखक सै। 1 इतिहास की किताब की शरुआत इस्राएलियाँ के परिवारां की सूची तै होवै सै। ठीक उसकै बाद संगठित राज्य इस्राएल पै राजा दाऊद के राज्यकाल का वृत्तान्त दिया गया सै। यो किताब राजा दाऊद की कहाँनी की निकट झलक सै जो पुराणे नियम का एक खास नायक था। इसका व्यापक झलक प्राचीन इस्राएल का राजनैतिक अर धार्मिक इतिहास सै।

लेखन तारिख अर जगहां

लगभग 450-400 ई. पू.

या पक्‍का सै की इसका बखत बाबेल की बन्धुआई तै लौटण के बाद का सै।

प्रापक

प्राचीनकाल के यहूदी अर सारे बाइबल पाठक

मकसद

1 इतिहास की किताब बन्धुआई तै लौटण आळे यहूदियाँ खात्तर लिखी गई थी की वे परमेसवर की उपासना किस तरियां करै। इसका इतिहास दक्षिणी राज्य-यहूदा, बिन्‍यामीन अर लेवी के गोत्रां पै केन्द्रित सै। ये गोत्र परमेसवर के घणे स्वामिभक्त प्रतीत होवै थे। परमेसवर नै दाऊद के परिवार या राज्य नै सदा खात्तर मजबूत राक्खण का करार बांध्या था, जिस ताहीं वो बिश्वासयोग्य रह्या। संसारिक राजा इसा न्ही कर सकै थे, दाऊद अर सुलैमान के द्वारा परमेसवर नै अपणा मन्दर बणवाया जित्त लोग आराधना खात्तर आ सकै थे। सुलैमान द्वारा निर्मित मन्दर बाबेल की सेना नै नाश कर दिया था।

खास बातें

इस्राएल का आध्यात्मिक इतिहास

रूपरेखा

1. वंशावली

2. शाऊल की मौत

3. दाऊद का अभिषेक अर सत्ता