ଜିସାୟ୍
Isaiah
Introduction from this edition
ଯିଶାଇୟ ବଭିଷ୍ୟଦ୍ବକ୍ତାଙ୍କ ପୁସ୍ତକ
ଜିସାୟ୍ ବଇ
ଏ ବଇ ବିସଇରେ ଜାନ୍ବାଟା
ଜିସାୟ୍ ଗଟେକ୍ ବବିସତର୍ କାତା କଉ ରଇଲା ଆରି ସେ ଜିରୁସାଲାମେ ରଇତେ ରଇଲା ତାର୍ ନାଉଁର୍ ଅରତ୍ ଅଇଲାନି “ମାପ୍ରୁ ରକିଆ କର୍ସି” ବେସି ପଣ୍ଡିତ୍ମନ୍ ବିସ୍ବାସ୍ କଲାଇନିଜେ ଜିସାୟ୍ ନିଜେଆକା ଏ ବଇକେ ଲେକ୍ଲା ଆଚେ, ଉସିଆ ଜନ୍ ବର୍ସେ ମଲା ସେ ବର୍ସେ ଆକା ଜିସାୟର୍ ସେବାକାମ୍ ଆରାମ୍ ଅଇ ରଇଲା ଜିସାୟ 6: 1 ଜନ୍ଟାକି କମ୍ସେ କମ୍ 740 କିରିସ୍ଟାବ୍ଦ ଆଗେ ରଇଲା ଜିସାୟ୍ ସେ ଜିଇକାଇ ରଇଲା ବିତ୍ରେ ଏ ବଇକେ ଲେକି ରଇଲା ଆରି ସେ କମ୍ସେ କମ୍ ସେ 680 କିରିସ୍ଟାବ୍ଦ ଜାକ ବଁଚିକରି ରଇଲା, ପୁର୍ନା ନିଅମ୍ ଆଗ୍କେ ଗଟ୍ବା କାତା ବିତ୍ରେ ଜିସାୟ୍ ବଇ ବେସି ଲକ୍ମନ୍କେ ମନ୍କେ ଗାଲା ଆଚେ କେତେ ଲକ୍ମନ୍ ଜିସାୟ୍କେ ବବିସତ୍କାତା କଉମନର୍ ରାଜ୍ କୁମାର୍ ବଲିକରି ମିସା କଇବାଇ ଗଟେକ୍ ବବିସତ୍ କାତା କଉ ଅଇଲାନି ଜେକି ପର୍ମେ ସରର୍ କବର୍ ଜାନାଇସି ଜିସାୟ୍ଇର୍ ଇସାବ୍ରେ ପର୍ମେସର୍ ଜିରୁସାଲାମ୍କେ କୁରୁପ୍ନାସ୍ କର୍ବାଟା ଜିସାୟ୍ 39:6 ଆରି ଇସ୍ରାଏଲର୍ ଲକ୍ମନ୍କେ ବନ୍ଦିଗରେ ଅନି ମୁକ୍ଲିକରି ଆଇବା ବିସୟ୍ରେ ବବିସତ୍ କାତା କଇରଲା ।
ଜିସାୟ 40:2-3 ଜିସାୟ୍ କଇଲା ଆଚେଜେ ଏ ଦଣ୍ଡର୍ ଲକ୍ମନର୍ ପାପ୍ କାମର୍ ଲାଗି ଗଟ୍ଲା ଆଚେ ଜିସାଇୟ ଦାଉଦର୍ ଗର୍କୁଟୁମର୍ ଲକ୍ମନର୍ ବିତ୍ରେ ଅନି ଗଟେକ୍ଲକ୍ ମାନ୍ ରାଜା ଅଇକରି ଆଇବା ବିସୟ୍ ମିସା ବବିସତ୍ କାତା କଇ ରଇଲା ଜିସାୟ 9:7 ନୁଆଁ ନିଅମ୍ ଲେକ୍ଲା ଲକ୍ମନ୍ ଜିସାୟ ଲେକ୍ଲାଟାକେ ବେସି ତର୍ ବାବି ରଇଲାଇ ଆରି ବିସ୍ବାସ୍ କରି ରଇଲାଇଜେ ଜେ ଏ ମଆନ୍ ରାଜା ଜେକି ଜିସାୟର୍ ବବିସତ୍କାତା କଇ ରଇଲା ସେ ଅଇଲାନି ଜିସୁ କିରିସ୍ଟ ଜିସାଇୟ 40:4 ଡୁବନ୍ଦେଉ ଜଅନ ଆଇବା ବିସୟ୍ରେ ମିସା କଇଲା ଆଚେ, ଜେ ସେ ଆଇବା ବିସୟ୍ରେ ଜାନାଇ କରି ଜିସୁକିରିସ୍ଟର୍ ପାଇଁ ବାଟ୍ ସଲକ୍କରି ତିଆର୍ କରି ରଇଲା ।
ଏ ବଇ ବିତ୍ରେ ରଇବାଟା
୧ ଅଦିଆଇ ତେଇ ଅନି 39 ଜାକ ଜିଉଦି ଲକ୍ମନ୍ ବାବିଲ୍ଦେସେ ବନ୍ଦି ନ ଅଇବା ଆଗ୍ତୁ ଲେକାଜାଇ ରଇଲା ଜିସାୟ ବଇର୍ ଏ ବାଗେ ପର୍ମେସରର୍ ବିଚାର୍ନା ବିସୟ୍ରେ ଜାନାଇଲା ଆଚେ,
୨ ଅଦିଆଇ ୪୦ ତେଇ ଅନି ୬୬ ଇସ୍ରାଏଲ୍ ଆରିତରକ୍ ଗଟେକ୍ ଦେସ୍ କର୍ବାକେ ଆରି ଲକ୍ମନ୍କେ ସାନ୍ତନା ଦେବା ବିସୟ୍ରେ କଇଲା ଆଚେ ।
Desiya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.