नीरगमन

निर्गमन नी कीताब

निर्गमन नी कीताब

परीचय

निर्गमन न कीपात अब्राहमन ओवलीयादोन काहानी काजे ओगी देखाड़े, जी उत्पत्ती मा सुरु होयली होती। निर्गमन शोब्दान मोतलोब छे “निकेवनो”, जेरो मोतलोब इसराएल मुलुकोन मिसर देश गोथा निकवीन तीना देश मा पोछा जाने गोथो छे जेरु वायदु परमेश्वर अब्राहम सी कोरलु होतु। रीतीन ओनसारे, खास जानकार मानसोन माननो छे की निर्गमन न कीपात मा जादा गोथो जादा भोगवानोन खोबर्‌या मुसान लारे लीखलो होतो, आरु ओसो लागे की इना पाठ सीत् पोतु चाले।

निर्गमन इनी वात पोर जुर देये की परमेरश्वर अब्राहम, इसहाक आरु याकुब सी कोरला आपसा वायदाक कोसु पुरु कोर रोयु होतु। यो अब्राहमोन ओवलीयाद, इसराएल राज काजे मिसर देसोन जागाम गोथु परमेश्वरोन जुरभोर्‌यु उद्धारोन वाराम देखाड़े।

रुपरेखा:

1. अध्याय 1 देखाड़े की कोसा इसराएलीयाक मिसर देश मा गुलाम बोनावला होता।

2. मुसान वाराम देखाड़े एने हेरा जीवायीन वाराम देखाड़े, जोत्यार लोगुन की मुसाक परमेश्वरन मानसो काजे छुड़ावने कोरीन नी बुलायु।

3. ओळतेन कीपात लीखन्यु देखाड़े की कोसु परमेश्वर आपसा मानसोक तीना देश गोथु आरु फिरोनोन सिपायड़ा गोथु वाचाड़ने कोरीन मिसर मा मोटला मोटला चोमोत्कार आरु पीड़ा उपजाड़्यु अध्याय

4. या गोथु इसराएल राज सिनाय बोयड़ा लोगुन गोयु अध्याय

5. हामु भोनजे की कोसु परमेश्वर मुसा काजे वेवेस्था आप्यु, जेरेम परमेश्वरन मानसो, मोतलोब इसराएलीयो काजे काहने रीते जीवन जीवनो आरु वीनता कोरनो होतो, एर वाराम नेम होता।

6. अध्याय 32 मा लीखलो छे की कोसा इसराएलीया मुसान भाईस हारुन काजे सोनान गाडरान मुरती बोनावने कोरीन राजी कोरीन परमेश्वर वीरुद् लोड़ाय कोरला।

7. मुसा कसो परमेश्वरन महिमा देख्यो आरु ओळतेन इसराएलीन क परमेश्वरन वेवस्थान वाराम हुकुम आप्या आरु देखाड़्या की रोवनेन जागु, सन्दुक आरु रोवनेन जागा मा वीनता जुगु दिसरो सोमान, एने पुजारान खास छिन्दरा कोसा बोनावनो