لُوقا

لُوقا دی معرفت لِکھی گئی اِنجیل

پیش لفظ

لُوقا ہِک حکیم ہا، جئیں کئی پھیری پولُس رسُول نال سفر کیتا۔

ایہ اِنجیل ظاہر کریندی ہے جو یسُوع مسیح پُوری دُنیا دا نجات ڈیوݨ آلا ہے۔ لُوقا یسُوع دی زمینی زندگی دے بارے ءچ بہُوں ساری معلومات بیان کریندے تے اِیں حقیقت اُتے زور ڈیندے جو یسُوع مسیح ہِک کامل اِنسان، شِفا ڈیوݨ آلا تے خُداوند ہے جیہڑا ہلاکت دو ونجنڑ آلے لوکاں کُوں بچاوݨ کیتے گولھیندے۔

ایہ اِنجیل یسُوع دے ہِک کُنواری تُوں پیدا تھیوݨ تُوں شروع تھیندی ہے تے اُوندے ڈُکھ چاوݨ، مرݨ، زندہ تھیوݨ تے اسمان اُتے چاتے ونجنڑ تے ختم تھیندی ہے۔ لُوقا مثالاں دے ذریعے مسیح دی تعلیم اُتے خصوصی توجہ ڈیندے۔