होशे

होशे

होशे गूरै खोज़ी दी गल्‍ला ज़ुंण आजू निभणी

भेत

लिखणैं आल़अ:

सन: 750 का 710 ईसा आजी

होशे थिअ तेऊ ई ज़मानै, ज़धू ईशायाह गूर आसा त। ज़धू उतरा बाखा इज़राईल मुल्खै अश्शूर देशै कबज़अ किअ, तेता का पैहलकी साला तैणीं किअ इज़राईली घोर पाप अर परमेशरै बी दैनी तिन्‍नां लै घोर सज़ा। बिधाता बोलअ आपणैं गूर होशे लै एकी कंज़री बेटल़ी संघै बैह करना लै, ताकि सह इहअ खोज़ी सके कि इज़राईली बिधाता लै किहै विश्वास घाती आसा। बिधाता बझ़ैल़ै होशे गूरा का तेऊए शोहरूए नाअं डाहणैं ज़ुंण इज़राईली लै चतैनगी थिऐ कि बिधाता लाई इज़राईली लै सज़ा दैई। पर बिधाता बोलअ होशे लै इहअ कि सह झ़ूरै आपणीं विश्वास घाती बेटल़ी लै खास्सअ, सह ती एक एही तशबीर कि बिधाता झ़ूरा आपणीं परज़ा लै कबल्‍लअ, च़ाऐ तिन्‍नैं विश्वास घात बी किल्है निं होए किअ द।

आजू आसा ऐहा कताबा दी इहअ कि इज़राईल अर यहूदा दी निखल़ी खोट कि तिन्‍नैं चोल़ी बिधाते करार अर तेते पल़णीं तिन्‍नां सज़ा भुगतणी। पर तज़ी बी निं बिधाता तिन्‍नां शोटी डाहंदअ अर सह झ़ूरा अज़ी बी तिन्‍नां लै खास्सअ। तैही बोलअ बिधाता कि तेऊ छ़ाडणीं तिन्‍नां लै माफी अर तेऊ दैणीं तिन्‍नां लै भिई बर्गत।

“मेरी परज़ा किअ मुल्है विश्वास घात, पर मुंह छ़ाडणीं तिन्‍नां लै माफी। मुंह झ़ूरनअ तिन्‍नां लै दिला का खास्सै अर मुंह निं तिन्‍नां लै ऐबै रोश्श करनै।”

(14:4)

कताबे बांड

होशे गूरे कंज़री बेटल़ी 1:1-11

इज़राईला लै परमेशरे सज़ा अर नसाफ 2:1-23

बिधाता आसा उद्धार करनै आल़अ 3:1-5

इज़राईलो विश्वास घात 4:1—10:15

इज़राईला लै बिधातो झ़ूरनअ अर उद्धार करनअ 11:1—14:9