यहेजकेल

यहेजकेल नबी की किताब

लेखक

या किताब बूजी के बेट्टे यहेजकेल की कृति मान्‍नी जावै सै। वो एक याजक अर नबी था। वो पुरोहितां के परिवार म्ह यरुशलेम म्ह बड़ा होया था। वो भी बाबेल की गुलाम्मी म्ह यहूदियाँ के गैल था। यहेजकेल की याजकता उसकी भविष्यवाणी की सेवा म्ह दिखाई देवै सै। उसकी भविष्यवाणी म्ह मन्दर, पुरोहित की सेवा, परमेसवर की महिमा फेर बलि के तरीके कै बारै म्ह देखण नै मिलै सै।

लेखन तिथि अर जगहां

लगभग 593-570 ई. पू.

भले ए यहेजकेल नै बाबेल म्ह अपणा लिखण का काम करया। उसकी भविष्यवाणी इस्राएली, मिस्र अर कई पड़ोसी राज्याँ के बारे म्ह भी थी।

प्रापक

बाबेल के गुलाम इस्राएली फेर अपणे देश म्ह वास कर रहे इस्राएली अर सारे उत्तरकालीन बाइबल पाठक।

मकसद

यहेजकेल एक घणी पापी अर सारी ढाळ तै निकम्मी पीढ़ी कै खात्तर सेवा करण आळा था। उसनै अपणी भविष्यवाणी की सेवा के जरिये अपणे माणसां ताहीं तात्कालिक मन फिराव अर आण आळे बखत म्ह आत्मबिश्वास कै खात्तर प्रेरित करया था। उसनै शिक्षा दी के परमेसवर सन्देस भेजण आळयां कै जरिये काम करै सै। चाहे हम हारे हो अर निराश हों, हमनै परमेसवर की परम प्रभुता म्ह बिश्वास करणा सै। परमेसवर का वचन अचूक सै। परमेसवर सारी जगहां हाजिर सै अर उसकी आराधना किते भी करी जा सकै सै। यहेजकेल की किताब हमनै याद दुवावै सै के हमनै उन अन्धकार आळे बखत म्ह भी जिब हमनै इसा लाग्गै के हम भटकगे सां, परमेसवर की खोज करणा। हमनै अपणी आत्मा नै जाँचकै सिर्फ सच्‍चे परमेसवर तै रिश्ता बणाणा सै।

खास बातें

प्रभु की महिमा

रूपरेखा

1. यहेजकेल की बुलाहट

2. यरुशलेम, यहूदिया अर मन्दर कै खिलाफ भविष्यवाणी

3. गैरजात्तां कै खिलाफ भविष्यवाणी

4. इस्राएलियाँ कै खात्तर भविष्यवाणी

5. पुनरुद्धार का दर्शन