ዮሃንሳ ሳፃ

ዮሃንሳዉ

ዬዳ ሳፃ

ገሉዋ

ዮሃንሳዉ ዬዳ ሳጻይ ጻፈቴዳዌ፥ አማንያ አሳቱ የሱስ ክርስቶሳ ባረንቱ ጎዳ ኦደ፥ ጌሻተን ደኤዳ ድራዉ፥ ኡንቱንታ መቱነ ዋዪ ጋኬዳ ዎድያና። ጻፍያ ሁጰ ቆፋይ፥ ናባብያዋንቱ ህዶታይ ኩመን ግዳናዳን፥ ኡንቱንታ መንናሳነ ባረንታ ጋኬዳ የደሳነ መቱዋ ግዶን ባረንቱ አማኑዋን ምናናዳን፥ ኡንቱንታ ምንሳናሳ።

ማጻፋ ግዶን ዳርያ ባጋይ ዳራነ ካል ካሊደ ቆንጬዳ ሳጻቱዋ ኦይቄዳዋ። ሳጻቱ ሄ ላይን ደእያ አማንያ አሳዉ ገልያዋንታ። ሽን ሀራቶ ጹራ ግዲደ ቆንጨና ሃሳያን ሺቄድኖ። ማዝሙርያ አዝማች ዛረትያዋዳን፥ ሀ ማጻፋ ግዶን ደእያ ሁጰ የዋቱዋ ዱማ ዱማ ሳጻቱ ባጋና ዱማ ዱማ ማላንነ ዱማ ዱማ ምስልያ ፓይዳቱዋን ዛር ዛሪደ ሺቄድኖ። ሀ ማጻፋ ጼልያዋን ዱማ ዱማ ቆፋይ ደኦፐነ አዉ ግዶ ቆፋይ ቆንጬ። ሄዌነ፥ “ጾሳይ ጎዳ ግዴዳ ክርስቶሳ ባጋና ላኤና ሀኖታን፥ ባረ ሞርከቱዋ፥ ሴጻናናካ እትፐ፥ እት ገደ ዉርሰ ጾኑዋ ጾናና። ፖሌዳዋፐ ጉይያን ባረዉ አማነቲደ ደኤዳ፥ ባረ ባጋቱዋ ኦራ ሳሉዋነ ኦራ ሳኣ አንጁዋ ላትሳና” ያግያዋ።

ሸምፓቱዋ ኡባቶ እመቴዳ ቃን ቆፋቱዋ

ገሉዋ

ሳፃ ዶያነ ላፑ ዎሳ ጎለቶ ኪተቴዳ ኪታ

ማጻፋነ ላፑ ማታፋቱዋ

ላፑ ማላካታቱዋ

ዳዊያነ ላኡ መሄቱዋ

ዱማ ዱማ ሳጻቱዋ

ጾሳ ሀንቁዋ ላፑ ጹአቱዋ

ባብሎነ ባሻ፥ ዱኣ፥ ዎርዶ ናብያነ ሴጻናይ ጾነትያዋ

ዉርሰ ፕርዳ

ኦራ ሳሉዋ፥ ኦራ ሳኣነ ኦራ የሩሳላሞ

ዉርሰ ቁትያ