इब्रानियों

इब्रानियों केरे नंव्वे चिट्ठी

लिखने बालो

इब्रानियों केरे चिट्ठरो लिखने बालो कौने एन अक राज़े। किछ विद्वान पौलुसे इसेरो लिखने बालो मनतन पन इसेरे लिखने बालेरो पतो नईं। बाकी कोई भी नईं ज़ै विश्वासी लोकां केरे लेई एरी खूबसूरती सेइं मसीहे प्रधान याजक हिराए। तै हारूनेरे याजक भोने करां भी महाने ते तैए परमेशरेरे तरफां दित्तोरे कानून ते नेबी केरि ज़ोवरू गल्‍लां पूरी केरते। ई किताब मसीहे इश्शो विश्वासेरो रच़ने बालो ते सिद्ध केरनेबालो हिरातीए। (

लिखनेरी तारीक ते जगाह

लगभग ई. स. 64-70

इस चिट्ठरी लिखनेरी ठार यरूशलेम थी। यीशुएरे सुर्गे जो गानेरां बाद ते इस्राएलेरे मन्दरेरे बिछ़ड़ने करां पेइले।

शुन्ने पढ़नेबाले

ई चिट्ठी खास केरतां तैन यहूदी केरे लेई लिखोरी थी ज़ैनेईं मसीह कबूल कियोरो थियो। तैना पुराने नियमे ज़ानते थिये पन तैना इस अज़मैइशी मां थिये कि दुबारां पुराने यहूदी फिरके मां च़ले गान या खुशखबरी अक यहूदी विधि बनान। अक सुझाव ई भी आहे कि इनां लोक “जादे याजक थिये ज़ैनेईं विश्वास कियोरो थियो।” (

मकसद

लिखने बालो ज़ैन केरे लेई चिट्ठी लिखी रेवरोए तैन केरि हिम्मत बधानी चाते कि तैना तैट्ठेरे यहूदी शिक्षान शैरतां यीशु सेइं वफादार रान। ते इन बांदू केरन कि मसीह यीशु महाने, परमेशरेरू मट्ठू स्वर्गदूतन करां, याजकन करां, पुराने नियमेरे नेबन करां या बाकी कोन्ची भी धर्मे करां महाने। क्रूसे पुड़ मेरतां ते फिरी ज़ींते भोइतां यीशु विश्वासी लोकन मुक्ति ते हमेशारी ज़िन्दगी पक्‍की केरते। इश्शे पापां केरे लेई मसीहेरू बलिदान सिद्ध ते पूरू भोते। विश्वास परमेशरे कबूले। असां परमेशरेरे हुक्म मेनतां विश्वासे बांदो केरतम।

खास मुद्दो

मसीह महाने

रूपरेखा

1. मसीह यीशु स्वर्गदूतन करां महाने

2. यीशु इस्राएलेरे विधान ते पुराने करारे करां महाने

3. वफादार ते दुख झ़ल्‍लनेरी बुलाहट

4. आखरी नमस्कार