दानीयल

दानीयल की कीताप

दानीयल नी कीताप

जानकारी

दानीयल नी कीताप बेबीलोन मे ईस्‌रायली माणहु गुलामी मे हता ते टेमे भगवान वगे गेथी वात केवा वाळा दानीयल नी जीवाय अने अगी हयवा वाळी वात सी जोड़ायली से। आहयी दानीयल अने तीना दोस्‌तीदार नी ईमानदारी भेळ-भेळ देस अने कळी ना बारा मे भगवान वगे गेथी केदली वात ना बारा मे देखाड़े। आहयी कीताप एक अंजाद सी 605 गेथी 535 नी आड़े-धेड़े ईसा पेले नी टेम मे देखाड़े, जां ह़ारीक दानीयल बेबीलोन ना च्‌यार अलग-अलग राजाम ना राज्‌य नी टेम मे सेवा करलो हतो। आखाम नु माननु आहयु से के दानीयल खुद आहयी टेम मे बेबीलोन मे कीताप लीखलो हतो, पण ढेरेत हमणे ना बीजा जानकारुम नु केणु से के आहयी अळतेण ईसा पेले बीजी सताब्‌दी नी टेमे ईस्‌रायल मे लीखली हती। बीजाम नु माननु से के कीताप मे ना ढेरेत हीस्‌सा अलग-अलग टेमे लीखला हता।

दानीयल नी कीताप गुलामी मे री र्‌या ईस्‌रायली माणहु नी ह़ाते-ह़ाते काठली टेम आव्‌वा पोर आव्‌वा वाळी पीड़ी ने हीम्‌मत आपवा करीन लीखली से। दानीयल नी जीवाय नी हयली वात अने अगी हयवा वाळी वात नी लारे भगवान, राजा अने देसु पोर आह़फा नी सक्‌ती देखाड़े। बायबल नी अनसारे आहया नवला नेम मे भगवान ना राज्‌य ने ह़मजवा मे मदत करे।

रुपरेखा

1. नबुकदनेस्‌सर नी राज करवा नी टेमे बेबीलोन मे दानीयल अने तीना ह़ाती ना बारा मे देखाड़े

2. राजा बेलसस्‌सर ना दरसन मे दानीयल नी आखी वात ना बारा मे खुलीन देखाड़े

3. दारा राजा ना राज करवा नी टेम मे नाहर ना दोर मे दानीयल ना बारा मे देखाड़े

4. अगी हयवा वाळी वात ना बारा मे भगवान गेथा दानीयल तक ना खुलासा से

(क) दानीयल अगी हयवा वाळी वात ना बारा मे अने बे दरसन ना बारा मे खुलासो करे

(ब) दानीयल आह़फा ना माणहु नी करते वीन्‌ता करे अने ह़रगदुत जीब्‌राएल नी लारे तीनो जपाप जड़े

(स) जीब्‌राएल आखरी टेम भेळ अगी हयवा वाळी वात ना बारा मे खुलासो करे।