Mika

Buk pa

MIKA

Lanyut wilok madito ma i buk man

Lanebi Mika otito loke me nebi ikare marom aroma ki kare pa lanebi Icaya. Mika onongo a ki i taun mo acel matye i lobo Juda, matye i ker ma tung kupiny. En onongo dong otyeko niang woko ni kare pa Juda dong oromo wek opot i lakit peko acelu ma Amoc yam otito ni bipoto ikom ker me Icrael matye i te ker ma tung kumalo, dong pi tyen lok acelu, Lubanga bipwodo dano pi lok me ngolo kop ma pe atir ma opong ki adagadaga iwi loboni. Kwena pa Mika bene tye ki lok maber ki lanyut me gen pi kwo mabino i anyim.

Dul coc ma opore dok ber me angeya en aye kama kicoyo lok ma loko ikom kuc pi lobo ducu matye i te loc pa Lubanga ma nonge i cura 4:1-4; ma tito pi Rwot madit atika ma bibino ki i ot pa Daudi ma en aye bikelo kuc bot rok ducu, ma nonge i cura 5:2-5a, ka dong tyeng acel keken ma dolo pol lok ducu ma lunebi me Icrael gubedo katito pire ni gin ma en mitoni watii en ene; en aye tiyo tic ma atir, bedo ki mar, ki dong wot kacel ki Lubanga ki mwolo. Cura 6:8

Lacim wilok madito ma i buk man

Ngolo kop ikom Icrael ki ikom Juda

Koko jo Icrael ki i opii ki kuc

Kwena me gwoke ki me gen