ದಾನಿಯಲ

ದಾನಿಯಲ

ವಳಕ

ಎ ದಾನಿಯಲ ಪುಸ್ತಕ ಇಸ್ರಾಯೆಲೊನಾ ಮನಕ್ಹೊ ಬಾಬೆಲೊನಮಾ ಗುಮಾಮೊ ರ‍್ಹಯಲ ವಕ್ಹತಮಾ ಪ್ರವಾದಿ ದಾನಿಯಲನೆ ಥಯಲ ದರ್ಶನ ಜಿವ್ನಾನಾಹುತಿ ಕವಸ. ಎ ದಾನಿಯಲ ವರಿ ತಿನಾ ದೊಸ್ತೊನಾಹುತಿ ಬರೊಕ್ಹೊನಾ ಹುತಿ ವರಿ ದುನಿಯಾಮಾನಾ ದೆಶೊನಾ ಪ್ರವಾದನೆನಾ ಹುತಿ ಕವಸ. ಎ ಪುಸ್ತಕ ಕ್ರಿಸ್ತ ಪುರ್ವ 605 ಸುಮಾರು 535 ನು ವಕ್ಹತಮಾ ಥಯಲ ವ್ಹೈ. (ಕವರ ಕರಸ) ಎ ವಕ್ಹತಮಾ ದಾನಿಯಲ ಬಾಬೆಲೊನನು ಚಾರ ಬಿಜಾ಼ ಬಿಜಾ಼ ರಾಜಾ಼ವೊನಾಹುತಿ ವಕ್ಹತಮಾ ಸೆವೆ ಕರ‍್ಯೊಸ. ಸಾಂಪ್ರದಾಯಕನಿಂಗತ ದೆಕಾನು ರ‍್ಹಯುಮ ಎ ಪುಸ್ತಕ ದಾನಿಯಲಜ಼ ಬಾಬೆಲೊನಾ ವಕ್ಹತಮಾ ಬರದ್ಯೊಸ, ತೆ ನೈಸೊ ಘನ್ನಾ ಆಧುನಿಕ ವಿದ್ವಾಂಸೊ ಎ ಪುಸ್ತಕ ಪಾಚಾ಼ತಾ ಇಸ್ರಾಯೆಲಮಾಕ್ರಿಸ್ತಪುರ್ವ 2 ವಾ ವಕ್ಹತಮಾ ಶ ತಮಾನಮ ಬರ್ದಲ ವ್ಹೈಕೈನ ಕವಸ. ಹಜು಼ನ ದಕ್ಹಾಜ಼ನಾ ಪುಸ್ತಕೊನಾ ದಕ್ಹಾ ಭಾಗೊ ಬುಜಾ಼ ಬಿಜಾ಼ ವಕ್ಹಮಾ ಬರದಲ ವ್ಹೈ ಕೈನ ಬರೊಕ್ಹೊ ಕರಸ.

ದಾನಿಯಲನು ಪುಸ್ತಕ ಗುಲಾಮೊ ಥೈನ ರ‍್ಹಯಲವಾಲಾ ಇಸ್ರಯೆಲೊನೆ, ವರಿ ಅಗಲಿ ಪಿಳಿಗೆನೆ ಕಥಿನ ವಕ್ಹತ ಆತಾಮಾ ಯಕ್ಕ ಬರೊಕ್ಹೊ ದಿವಾನಾ ಹುತಿ ಬರ್ದಲ ವ್ಹೈ. ಕ್ಹುದಾ ದನಿಯಲನಿ ಜಿವನಮಾ ಥಯಲ ಘಟಣೆನಾಹುತಿ ವರಿ ಭವಿಶ್ಯಮಾ ಥಾವಾನಿಯೊ ಪ್ರವಾದೆನೆ ಬೆವಾ ಘಟಣೆ ಮುಕಾಂತರ ರಾಜಾ಼ ವರಿ ದೆಶೊಪರ ತಿನಿ ತಾಕತ ದೆಕಾಡಿನೆ ದಿವಸ. ಸತ್ಯವೆದನಮಾ ಎ ನವು ಒಡಂಬಡಿಕೆಮಾ ಕ್ಹುದಾನಿ ರಾಜ್ಯನಾ ಹುತಿ ತಿಳದಾನೆ ಮದತ ಕರಸ. ಪೈಲಾ ಮಸಿಹಾನಾಹುತಿ ದಾನಿಯಲ 7, 13: 14 ಮಾ ಮಸ್ಸಿಹಾನಾ ಹುತಿ ಕದಲ ಛೆ. ದಾನಿಯಲನಾ ದರ್ಶನೊ ಯೆಸುನಾ ಮುಲಕ ಅಂತ್ಯಕಾಲನಿ ವಿಶಯನಾ ಹುತಿ ವರಿ (ಮತ್ತಾಯ 18.15, ಮಾರ್ಕ 13.14) ಯೊಹಾನನು ಪ್ರಕಟಣೆನಾ ಹುತಿ ಕದಲ ಛೆ ಬರದ್ಯಾಸ ಕೈನ ಕವಸ. ದಾನಿಯಲ ಯೆರೆಮಿಯಾನು ಪ್ರಾವಾದನೆ ವಿಚಾರಣೆ ಕರಸ.(ದಾನಿಯಲ 9 ಅದ್ಯಾಯ 1 ತಿ 3 ವಚನಾ)

ಪಿಠಿಕೆ

1. 1 ತಾ 4 ನೆ ಅಧ್ಯಾಯ ನೆಬುಕನೆಚ ಆಳ್ವಿಕೆನಾ ವಕ್ಹತಮಾ ಬಾಬೆಲೊನಮಾ ದಾನಿಯಲ ವರಿ ತಿನಾ ದೊಸ್ತೊನಾಹುತಿ ಕವಸ.

2. ಅಧ್ಯಾಯ 5 ದಾನಿಯಲ ರಾಜೊ಼ ಬೆಲ್ಶಚ್ಚರನ ದರ್ಶನನು ಮತ್ಲಬ ಕವಸ.

3. ಅಧ್ಯಾಯ 6 ಡೆರಿಯಸ್ ಆಳ್ವಿಕೆಮಾ ಸಿಂಯ್ಯಾನಿ ಗವಿಮಾ ದಾನಿಯಲನ ಹುತಿ ಕವಸ..

4. ಅಧ್ಯಾಯೊ 7-12 ಭವಿಷ್ಯನಿ ಘಟನೆನಾ ಹುತಿ ಸಂಭಂಧನಿಂಗತ ಕ್ಹುದಾಕ್ಹು ದಾನಿಯಲನೆ ಭಾರಾಕಾಡಾನು ಛೆ. ಎ. ಅಧ್ಯಾಯೊಮಾ 7-8 ಮಾ ದಾನಿಯಲನಾ ಭವಿಶ್ಯನಾಹುತಿ ಬೆ ದರ್ಷನೊ ವರಿ ತ್ಯುನಾ ವ್ಯಾಕ್ಯಾನನಾ ಹುತಿ ಕವಸ. ಬಿ. ಅಧ್ಯಾಯ 9 ಮಾ ದಾನಿಯಲ ತಿನಾ ಮನಕ್ಹೊನಾಹುತಿ ಪ್ರಾಥನಾ ಕರಸ ವರಿ ದೆವದುತ ಗ್ಯಾಬ್ರಯಲಕ್ಹು ಜವಾಬ ದಿವಸ. ಸಿ. ಅಧ್ಯಾಯಾ 10-12 ಮಾ ಗೇಬ್ರಿಯಲ್ ಲಾಸ್ಟನಾ ವಕ್ಹತೊನೆ ಮ್ಹೈ ರ‍್ಹಯಲ ಭವಿಶ್ಯೊನಾ ಘಟ್ನಾವೊನೆ ದೆಕಾಡಿನೆ ದಿವಸ.