1 राजा

1 राजा

राजेया रे बारे दे पईली कताब

भूमिका

सेमुएलो रिया कताबा दे इस्राएलो रे राज्य रे इतिआसो रे बारे दे जो शुरू ऊआ था, से राजेया रिया कताबा रे पईले इस्से दे बी जारी रओआ। एसा कताबा खे बी तीऊँ इस्सेया दे बांडी सकोए :

(1) इस्राएल ओर यहूदा रे राजेया रे रूपो दे सुलैमानो रा राजा बणना ओर तेसरे बाओ दाऊदो रा मरना।

(2) सुलैमानो रा राज ओर तेसरे महान काम। यरूशलेम शईरो दे मन्दरो रा बनाणा खास तरीके दे त्यान देणे जोगा ए।

(3) देशो रा उत्तर ओर दक्खणा रे राज्य दे बाँडणा, ओर तिना राजेया रे बारे दे जानकारी जिने नौवी शताब्दी ई. पू. रे बीचो तक तिना पाँदे राज कित्तेया।

राजेया रिया दूनी कताबा दे हर एक राजे खे परमेशरो रे प्रति परोसे जोगा ऊणे रिया नजरा ते परखेया गया ए, ओर देशो रिया सफलता खे एते परोसे पाँदे आधारित मानेया जाओआ। दूजे कनारे मूर्तिपूजा ओर आज्ञा खे ना मानणा एक घोर संकटो री बजा ठईरोआ। उत्तरो रिया तरफा रा कोई बी राजा परोसे जोगा नि ऊआ जबकि यहूदा रे राजेया दे दुँईं तरआ रे राजेया रे बारे दे लिखेया दा मिलोआ।

राजेया रिया कताबा रे पईले इस्से दे परमेशरो रे भविष्यबक्तेया री खास जगा ए। ये भविष्यबक्ते परमेशरो रे इम्मती साथे बोलणे वाल़े थे, जिने लोका खे मूर्तिपूजा करने ओर परमेशरो री आज्ञा ना मानणे रे खलाफ चतौणी दित्ती थी।

रूप-रेखा

दाऊदो रे राज्य रा खत्म ऊणा

सुलैमानो रा राजा बणना

सुलैमानो रा राज्य

राज्य रा दो फाड़ ऊणा