ଏଜ୍ରା
Ezra
Introduction from this edition
ଏଜ୍ରା ବହି
ଏଜ୍ରା ପେଦେର୍ତେ ବଇ
ଏଜ୍ରାନ୍ ରୁପରେକା
ଏଜ୍ରା ନୁ ନିହିମିୟାନ୍ ବହିତାଗ୍ କେତ୍ତେ ଯେ ପାରସ୍ୟ ନୁ ବାବିଲନ୍ତାକ୍ ବନ୍ଦୀ ଆଦାନ୍ ପେର୍କେ ଇସ୍ରାଏଲ୍ତଡ଼୍କିଙ୍କ୍ ବେଲାନ୍ ଇସ୍ରାଏଲ୍ତିଙ୍କ୍ ମାଲ୍ଦାନଙ୍କ୍ ଅନୁମତି ଇତ୍ତଡ଼୍ ? ଅଡ଼୍ ବେଲାନ୍ ଯିରୁଶାଲେମ୍ତାଗ୍ ଇଶ୍ୱର୍ତେ ମନ୍ଦିର୍ ମେଣ୍ଡେ ତିଆର୍ ମାଡ଼୍ତଡ଼୍ ଆଦିନ୍ ପରୁ ଏଜ୍ରା ମାନ୍ ଇସ୍ମାତ୍ତଣ୍ଡ୍। ନାର୍ଗେ ପଣ୍ଡିତ୍ ବିଶ୍ୱାସ୍ ମାଡ଼ିତଡ଼୍ ଯେ ଏଜ୍ରା ୧ ନୁ ୨ ପିଲୁଡ଼୍ତେ ବହି ନୁ ଏଜ୍ରା ନୁ ନିହିମିୟାନ୍ ବହି ଲେକି ମାତ୍ତଣ୍ଡ୍ ନୁ ଲେକା ମାତ୍ତେ। ଯଦି ଏଜ୍ରାଲ୍ ଆୟଣ୍ଡ୍ ଆଲେକେ ଇଦ୍ ନିଜାମ୍ ୱେରଣ୍ଡ୍ ନାରୁଣ୍ଡ୍ ଇୱୁ ସାମାନ୍ ବହି ଲେକା ମାତ୍ତଣ୍ଡ୍। ଏଜ୍ରା ବହି ପ୍ରାୟ ୪୪୦ ଖ୍ରୀଷ୍ଟମୁନେଙ୍କ୍ ଲେକା ଆସ୍ମାନ୍ଦେ ପାର୍ଦ୍ତେ, ବାତେଙ୍କ୍ଇତ୍କେ ବହିତେ ବାତେ ଅଂଶ ୱେରେ ସମୟ୍ତେ ଲେକା ଆଦ୍ଦେ ପରେ।
ଏଜ୍ରା ବହି ଲେକ୍ତଣ୍ଡ୍ ବେନ ଇଶ୍ୱର୍ ବେଲାନ୍ ପାରସ୍ୟ ରାଜା କୋରସ୍ ଇସ୍ରାଏଲ୍ତଡ଼୍କିଙ୍କ୍ ନିଜେତ୍ ଦେଶ୍ତାକ୍ ମାଲ୍ସ୍ ମନ୍ଦିର୍ ମେଣ୍ଡେ ତିଆର ମାଡ଼ାନଙ୍କ୍ ଅନୁମତି ଇତ୍ତଣ୍ଡ୍। ଇଦ୍ ମେଣ୍ଡେ ଯିରିମିୟଙ୍କ୍ ବବିଷ୍ୟତ୍ବାଣିତେ ଅଣ୍ଡୟ୍ ପୂର୍ଣ୍ଣତା ମାତ୍ତେ ଯିରିମିୟ ୨୯:୧୦-୧୪ । ଅଡ଼୍ୱାଦ୍ ବାତ୍ତେ ଶତ୍ରୁଡ଼୍ ମାତ୍ତଡ଼୍ ବେନଡ଼୍ ମନ୍ଦିର୍ତେ ମେଣ୍ଡନ୍ଦାମ୍ ତିଆର୍ତିଙ୍କ୍ ମନା ମାଡ଼ିମାତ୍ତଡ଼୍ ନୁ ଇଦ୍ ପାଡ଼ିୟ୍ ସୁଦୁର୍ ସମୟ୍ତେ ମାୟିଦିଙ୍କ୍ ବନ୍ଦ୍ ଆସ୍ମାତ୍ତେ, କିନ୍ତୁ ପେର୍କେ ଇସ୍ରାଏଲ୍ତଡ଼୍ ଇଶ୍ୱର୍ତେ ସାହାଯ୍ୟତେ ଇଦିଙ୍କ୍ ମେଣ୍ଡନ୍ଦାମ୍ ମାଡ଼ାନଙ୍କ୍ ତିଆର୍ ମାତ୍ତଡ଼୍। ଏଜ୍ରାନ୍ ଗଟ୍ତେ ଇସ୍ରାଏଲ୍ତଡ଼୍ ମିକା ଅଡ଼୍ ପାପତିଙ୍କ୍ ଏର୍କେ ମାଡ଼୍ତଡ଼୍। ଇଶ୍ୱର୍ତେ ନିୟମ୍ ପାଲନ୍ ମାଡ଼ାନ୍ ମାୟିଦିଙ୍କ୍ ଅଡ଼୍ ପ୍ରତିଶ୍ରୁତିତେ ଇଦ୍ ୱେରଡ଼୍ ନବିକରଣ ଆଦ୍ତେ।
ଏଜ୍ରାନ୍ ରୁପରେକା:
୧. ଅଧ୍ୟାୟ୍ ୧ ନୁ ୨ ତାଗ୍ କେସମିନ୍ଦେ ବେନ ରାଜା କୋରସ୍ ବେଲାନ୍ ଇସ୍ରାଏନଡ଼୍ ନିଜେତ୍ ଦେଶ୍ତାକ୍ ମାଲ୍ସ୍ ଆଦାନଙ୍କ୍ ଅନୁମତି ଇତ୍ତଣ୍ଡ୍ ନୁ ବେନ୍ ପରିବାର୍କି ମାଲ୍ତଡ଼୍ ଅଡ଼କ୍ ଲେକ୍ତଡ଼୍।
୨. ଅଧ୍ୟାୟ୍ ୩ ତାଗାଙ୍କ୍ ୬ ତାଗ୍ କେତିତ୍ ଯିରୁଶାଲେମ୍ ଇଶ୍ୱର୍ତେ ମନ୍ଦିର୍ ବେଲାନ୍ ମେଣ୍ଡେ ତିଆର୍ ମାଡ଼୍ତଡ଼୍।
୩. ଅଧ୍ୟାୟ୍ ୭ ନୁ ୮ ତାଗ୍ କେତୁତ୍ ଯେ ଏଜ୍ରା ବେଲାନ୍ ୱେରେ ଇସ୍ରାଏଲ୍ ପରିବାର୍ ତଡ଼୍ ଯିରୁଶାଲେମ୍ତାକ୍ ମାଲ୍ତଡ଼୍।
୪. ଅଧ୍ୟାୟ୍ ୯ ନୁ ୧୦ ଲେକାମିନ୍ଦେ ଯେ ଏଜ୍ରା ବେଲାନ୍ ଇସ୍ରାଏଲ୍ନଡ଼୍କ୍ ଇଶ୍ୱର୍ତଡ଼୍ ଚୁକ୍ତି ନବିକରଣ ମାଡ଼ାନଙ୍କ୍ ମୁନେ ଆଞ୍ଜ୍ ମାତ୍ତେ।
Koya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.