Koya Bible
ଏଜ୍ରା 10
ନାରୁଡ଼ାଦ୍ ପାପ୍ ସ୍ୱିକାର୍
ଏଜ୍ରା ପରମେଶ୍ୱର୍ତେ ଲନ୍ ମୁନେ ପ୍ରାର୍ତନା ନୁ ସ୍ୱୀକାର୍, କେୟାନାଦ୍ ନୁ ନମସ୍କା ମାଡାନ୍ ସମୟତେ ଇସ୍ରାଏଲ୍ ଲପେତ୍ ମାନେୟି ନୁ ନାଟାଡ଼୍ ନୁ ପିକି ପେକଡ଼୍ ଅଣ୍ଡୟ୍ ବେଡ଼ିୟେ ମାନ୍ଦେ ଅନ୍ଗାରେ ଅଣ୍ଡ୍ୟତାଗ୍ ଆସ୍ ମାତ୍ତଡ୍; ବାତେଙ୍କ୍ଇତ୍କେ ନାରୁର୍ଡ୍ ଅଦିକ୍ କେୟ୍ତଡ୍। ମେଣ୍ଡେ ଏଲମ୍ତେ ପେକଡ୍ ଲପେଙ୍କ୍ ଯିହିୟେଲ ପେକା ଶକନିୟ ଏଜ୍ରାଙ୍କ୍ ଉତ୍ତର ମାଡ଼ି କେତ୍ତଣ୍ଡ୍, ମାମ୍ ନିଜର ପରମେଶ୍ୱର ବିରୁଦ୍ଦତେ ସତ୍ୟ-ମାନେମ୍ ଆୟୱକଟ୍ ୱେରେଦେଶତେ ଗୋଷ୍ଠିଡ଼୍ ନାଟାକିଙ୍କ୍ ପେଣ୍ଡୁଲ୍ ମାଡ଼ିମିନ୍ଦେମ୍; ଆଗେବା ଇ ବିଷୟତେ ଇଞ୍ଜେ ବା ଇସ୍ରାଏଲତେ ପରୁ ବରସା ମିନ୍ଦେ। ଇଦିନ୍ ମାଇଦିଙ୍କ୍ ମାମ୍ ଇଞ୍ଜେ ମା ପ୍ରବୁନ୍ ନୁ ମାନ୍ ପରମେଶ୍ୱରତେ ଆଦେଶ୍ତେ ୱାଡ଼୍କତେ ନାରୁଡ଼୍ତେ ମନ୍ତ୍ରଣାଲେକାମ୍ ଇ ସାରେ ନାଟାଡ଼୍ ନୁ ଇଡ଼ାଗ୍କଞ୍ଜ୍ ଜନମ୍ ସାରେତଡ଼୍କ୍ ଜେକେ ମାଡ଼ାନ୍ ମାଇଦିଙ୍କ୍ ମା ପରମେଶ୍ୱରତଡ଼୍ ନିୟମ୍ ମାଡ଼ିଣ୍ଡ୍; ମେଣ୍ଡେ, ଇଦ୍ ନିୟମ୍ ଲେକାମ୍ ମାଡ଼ାଙ୍କ୍ ଆୟି। ହୋ ଏଜ୍ରା ତେଦା, ବାତେଙ୍କ୍ଇତ୍କେ ନିଜରତେ ପର ଇ ପାଡ଼୍ୟି ବଜ୍ ମିନ୍ଦେ ନୁ ମାମ୍ ନିଜରତେ ତଡ଼୍ଦେନଡ଼୍ ମିନ୍ଦେମ୍; ସାହାସ ପୟିସ୍ ଇଦ୍ ପାଡ଼୍ୟି ମାଡ଼ାଟ୍। ଇଗ୍କନ୍ ଏଜ୍ରାଲ୍ ତେଦି ଇ ବାକ୍ୟଲେକାମ୍ ପାଡ଼୍ୟି ମାଡ଼ାନ୍ ମାଇଦିଙ୍କ୍ ଯାଜକିଡ଼୍, ଲେବିୟଡ଼୍ ନୁ ସାରେ ଇସ୍ରାଏଲତେ ବାଡ଼ିୟକ୍ ଶପତ୍ ମାଡ଼୍ନା ମାଡ଼୍ତଡ଼୍। ଆସୁଙ୍କ୍ ଅଡ଼୍ ଶପଥ ମାଡ଼୍ତଡ଼୍। ଆସୁଙ୍କ୍ ଏଜ୍ରାଲ୍ ପରମେଶ୍ୱରଦେ ଲତ୍ତେ ମୁନେ ତେଦି ଇଲିୟାଶିବର୍ତେ ମାର୍କ୍ ଯିହୋହାନନ୍ ବାକ୍ଡ଼େତାଗ୍ ଆତ୍ତଣ୍ଡ୍; ମେଣ୍ଡେ, ଆଗେ ହେୱୁସୱାନାକେ, ରୁଟି ତିନଡ଼୍ କି ଏର୍ ଉନ୍ନଣ୍ଡ୍; ବାତେଙ୍କ୍ଇତ୍କେ ଅଣ୍ଡ ବନ୍ଦିଆତ୍ତେ ନାରୁଡ଼୍କ୍ ସତ୍ୟ ମାନେମ୍ ଆୟ୍ୱାଙ୍କ୍ ଚିନ୍ତା ମାଡ଼ମାତ୍ତଣ୍ଡ୍। ଆଗାଙ୍କ୍ ନାରୁଡ଼୍ ଯିହୁଦା ନୁ ଯିରୁଶାଲମତେ ସାରେତ୍ ବନ୍ଦିଆତ୍ତେ ପିଲାକିନ୍ ସାରେତଡ଼୍ ଗାରେ କେତ୍ତଡ଼୍ ଯେ, “ଅଡ଼୍ ଯିରୁଶାଲମତାଗ୍ ଅଣ୍ଡୟତାଗ୍ ଆଦ୍ତଡ଼୍; ମେଣ୍ଡେ, ଅଦିପତିଡ଼୍ ନୁ ବେଡ଼ିୟ୍ ନାରୁଡ଼୍ ମନ୍ତ୍ରଣାଲେକାମ୍ ବେନ୍ ମୁଣ୍ଡ୍ଦିନା ଲପେ ୱାଡ଼ଣ୍ଡ୍, ଅନ୍ ସାରେ ସମ୍ପତି ୱିର୍ସ୍ପିତଡ଼୍ ନୁ ଅଣ୍ଡ୍ ନିଜେ ବନ୍ଦିଆତ୍ତେ ମାନ୍ଦେକନ୍ ୱେରେ ମାଡ଼ାନଙ୍କ୍ ଆଦ୍ତେ।” ଆସୁଙ୍କ୍ ଯିହୁଦାଲ୍ ନୁ ବିନ୍ୟାମିନ୍ତେ ସାରେ ନାରୁଡ଼୍ ମୁଣ୍ଡ୍ଦିନା ଲପେ ଯିରୁଶାଲମତାଗ୍ ଅଣ୍ଡୟ୍ତାଗ୍ ଆତ୍ତଡ଼୍, ଆ ନଅ ନେଲ୍ଞ୍ଜିନେ କୁଡ଼ିଏ ଦିନାମ୍ ମାତ୍ତେ; ମେଣ୍ଡ, ସାରେ ନାରୁଡ଼୍ ପରମେଶ୍ୱରଦେ ଲତ୍ତେ ମୁନେତ୍ ଚକତାଗ୍ କୁଦି ଆ ବିଷୟ ନୁ ବାଡ଼ିୟେ ୱେଡ଼୍ସାମ୍ ମାଇଦିଙ୍କ୍ ୱେଡ଼୍କ ମାତ୍ତଡ଼୍। ଆଗାକନ୍ ଏଜ୍ରାଲ୍ ଯାଜକ୍ ନିସ୍ ଅଡ଼୍କିଂଙ୍କ୍ କେତ୍ତଣ୍ଡ୍, “ମିଡ଼୍ ସତ୍ୟ ପାଲନ୍ ମାଡ଼ିମିନ୍ଦେଡ଼ି ନୁ ଇସ୍ରାଏଲତେ ଦୋଷ ପେର୍ରସ୍ପାନ୍ ମାଇଦିଙ୍କ୍ ୱେର୍ ଦେଶ୍ତେ ନାଟାକିଙ୍କ୍ ପେଣ୍ଡୁଲ୍ ମାଡ଼ିମିନ୍ଦେଡ଼ି। ଇଦିଙ୍କ୍ ଇଞ୍ଜେ ମିଡ଼୍ ବାବାଲଡ଼୍ ପରମେଶ୍ୱର ସଦାପ୍ରବୁନ୍ ଗାରେ ସ୍ୱିକାର ମାଡ଼ାଟ୍ ନୁ ଅଡ଼୍ ସାୟେତ୍ ପାଡ଼୍ୟି ମାଡ଼ାଟ୍; ମେଣ୍ଡେ ଦେଶତେ ୱେର୍ ନଗର୍ତେନଡ଼୍ ନୁ ୱେର୍ ଦେଶ୍ତେ ନାଟାକିନାଗ୍କଞ୍ଜ ନିଜେତିଙ୍କ୍ ୱେର୍ ମାଡ଼ାଟ୍।” ତାନ୍ପେର୍କେ ସାରେ ମାନ୍ଦେତଡ଼୍ ଉତ୍ତର ମାଡ଼ି ଗାଟିଲେଙ୍ଗ୍ଏତି କେତ୍ତଡ଼୍, “ମିଡ଼୍ ମା ବିଷୟତେ ବେଲାନେ କେତ୍ତଡ଼୍, ମାନାଙ୍କ୍ ଆଲେନେ ମାଡ଼ାନଙ୍କ୍ ଆଦ୍ତେ। ମାତର୍ ନାରୁଡ଼୍ ନାର୍ଗେ ନୁ ଇଞ୍ଜେ ନାର୍ଗେ ୱାଡ଼୍ସାମ୍ ସମୟ, ମେଣ୍ଡେ ମାମ୍ ବାଇଦେ ନିତାନଙ୍କ୍ ଶକ୍ତି ଇଲେ, ବା ଇଦି ଅଣ୍ଡୟ୍ ଦିନ୍ କି ରେଣ୍ଡ୍ ଦିନାନ୍ ପାଡ଼୍ୟି ଆୟ; ଆଦିଙ୍କ୍ ଇ ବିଷୟତେ ମାମ୍ ବାଡ଼ିୟାଦ୍ ବୁଲ୍ ମାଡ଼ିମିନ୍ଦେମ୍। ଆଦିଙ୍କ୍ ସାରେ ନାରୁଡ଼୍ ମାଇଦିଙ୍କ୍ ମାମ୍ ଅଦିପତିଡ଼୍ ଏଞ୍ଚିଆୟିଡ଼୍, ମେଣ୍ଡେ ମାନ୍ ପରମେଶ୍ୱରଦେ କପାମ୍ ମାନାଗ୍କଞ୍ଜ୍ ୱିଡ଼୍ସ୍ନା ନୁ ଇ ବିଷୟତେ ନିଷ୍ପତ୍ତି ଆୟିନା ମା ନଗର୍ତେ ବେନ୍ ନାରୁଡ଼୍ ୱେର୍ ଦେଶ୍ତେ ନାଟାକିଙ୍କ୍ ପେଣ୍ଡୁଲ୍ ମାଡ଼ିମିନ୍ଦେଡ଼୍, ଆ ସାରେ ଏଞ୍ଚାନ୍ ସମୟତେ ୱାଡ଼ିଡ଼୍ ନୁ ଅଡ଼୍ ତଡ଼୍ ସାରେ ନଗର୍ତେ ବେଡ଼ିୟ୍ ନାରୁଡ଼୍ ନୁ ବିଚାରକର୍ତ୍ତାଲଡ଼୍ ୱାଡ଼ିଡ଼୍।” ଇ ଗଟ୍ ବିରୁଦ୍ଦ୍ତେ ମାତର୍ ଅସାହେଲତେ ମାର୍କ୍ ଯୋନାତନ୍ ନୁ ତିକ୍ବରତେ ମାର୍କ୍ ଯହସିୟ ତେଦ୍ତଡ଼୍, ମେଣ୍ଡେ ମଶୁଲ୍ଲମ୍ ନୁ ଲେବିୟ ଶବ୍ବତୟ ଅଡ଼୍ ସାହାଯ୍ୟ ମାଡ଼୍ତଡ଼୍।
ମାତର୍ ବନ୍ଦିଆତ୍ତେ ପିଲାକି ଆଦ୍ଲେକାମ୍ ପାଡ଼୍ୟି ମାଡ଼୍ତଡ଼୍। ମେଣ୍ଡେ, ଏଜ୍ରା ଯାଜକ ନୁ ନିଜର ନିଜର ବାବାନ୍ ପିଲୁଡ଼୍ ନୁ ପେଦେର୍ ଲେକାମ୍ ଆ ବାବାନ୍ ପିଲୁଡ଼୍ ବାଡ଼ିୟେ ବେସ୍କତଡ଼୍ ନାରୁଡ଼୍କ୍ ୱେର୍ ମାଡ଼୍ନଙ୍କ୍ ଆତ୍ତେ; ମେଣ୍ଡେ, ଅଡ଼୍ ଦଶ ନେଲ୍ଞ୍ଜିନେ ପ୍ରଥମ ଦିନ୍ ଆ ବିଷୟ ମେଃକାନଙ୍କ୍ କୁଦ୍ତଡ଼୍। ମେଣ୍ଡେ, ଅଡ଼୍ ପ୍ରଥମ ନେଲ୍ଞ୍ଜିନେ ପ୍ରଥମ ଦିନ୍ତେ ୱେର୍ ଦେଶ୍ତେ ନାଟାଙ୍କ୍ ପେଣ୍ଡୁଲ୍ ଆତ୍ତେନଡ଼୍ ମାନେୟି ସାରେତଡ଼୍ ବିଚାର ତେର୍ସ୍ପତଣ୍ଡ୍।
ବିଦେଶି ମୁତେ ମାନ୍ଦାନ୍ ମାନେୟି
ଯାଜକିଡ଼୍ ପିଲାକିନାଗାଙ୍କ୍ ବେନଡ଼୍ ୱେର୍ ଦେଶ୍ତେ ମୁତେକିଙ୍କ୍ ପେଣ୍ଡୁଲ୍ ମାଡ଼ିମାତ୍ତଡ଼୍, ଅଡ଼୍ ଇଡ଼୍, ଯୋଷାଦକନ୍ ମାର୍କ୍ ଯେଶୂୟନେ ପିଲାକି ନୁ ଅନ୍ ଦାଦାଲଡ଼୍କନ୍ ମାସେୟ, ଇଲିୟେଜର୍ତେ, ଯାରିବ ନୁ ଗଦଲିୟ। ଇଡ଼୍ ନିଜର ନିଜର ମୁତେକିଙ୍କ୍ ଜେକେ ମାଡ଼ିତମ୍ ଇଞ୍ଜ ଶପଥ ମାଡ଼ି କେତ୍ତଡ଼୍; ମେଣ୍ଡେ ଦୋଷି ଆତ୍ତାଙ୍କ୍ ଅଡ଼୍ ନିଜର ନିଜର ଦଷ୍ତେ ମାଇଦିଙ୍କ୍ ମାନ୍ଦେକନ୍ ଅଣ୍ଡୟ୍ ଅଣ୍ଡୟ୍ ମେଣ୍ଢା ପୁଜି ଉତ୍ସର୍ଗ ମାଡ଼୍ତଡ଼୍। ମେଣ୍ଡେ, ଇମ୍ମେରତେ ପିଲାନାଗାଙ୍କ୍ ହନାନି ନୁ ସବଦିୟ ନୁ ହାରୀମତେ ପିଲାନାଗାଙ୍କ୍ ମାସେୟ, ଏଲିୟ, ଶମୟିୟ, ଯିହିୟେଲ ନୁ ଉଷିୟ; ମେଣ୍ଡେ, ପଶ୍ହୂରତେ ପିଲା ନାଗାଙ୍କ୍ ଇଲିୟୋଐନୟ, ମାସେୟ, ଇଶ୍ମାୟେଲ୍, ନତନେଲ, ଯୋଷାବଦ୍ ନୁ ଇଲିୟାସା।
ମେଣ୍ଡେ, ଲେବିୟଡ଼୍କନ୍ ଯୋଷାବଦ୍ ନୁ ଶିମିୟି ନୁ କଲାୟ, ଅଙ୍କ୍ କଲିଟ କେତିତଡ଼୍, ପତାହିୟ, ଯିହୁଦା ନୁ ଇଲିୟେଜର୍; ମେଣ୍ଡେ, ପାଟାପାରା ନଡ଼ାଗ୍କନ୍ ଇଲିୟାଶିବ; ଗେଟ୍ କେପାନଡ଼୍କନ୍ ଶଲ୍ଲୁମ୍ ନୁ ଟେଲମ୍ ନୁ ଊରି।
ଇସ୍ରାଏଲତାଗାଙ୍କ୍ ପରିୟୋଶର୍ତେ ପିଲାନାଗାଙ୍କ୍ ରମିୟ, ଯିଷିୟ, ମଲ୍କିୟ, ମିୟାମିନ୍, ଇଲୀୟାସର, ମଲ୍କିୟ ନୁ ବନାୟ। ମେଣ୍ଡେ, ଏଲମ୍ରତେ ପିଲାକିନାଗ୍କନ୍ ମତ୍ତନିୟ, ଜିକରୀୟ, ଯିହିୟେଲ, ଅବ୍ଦି, ଯେରେମୋତ୍ ନୁ ଏଲିୟ। ସତ୍ତୂରତେ ପିଲାକିନାଗ୍କନ୍ ଇଲିୟୋଐନୟ, ଇଲିୟାଶିବ, ମତ୍ତନିୟ, ଯେରେମୋତ୍, ସାବଦ୍ ନୁ ଅସିସା ବେବୟରତେ ପିଲାକିନାଗ୍କନ୍ ଯିହୋହାନନ୍, ହନାନୀୟ, ସବ୍ବେୟ, ଅତ୍ତଲୟ; ବାନିରତେ ପିଲାକିନାଗ୍କନ୍ ମଶୁଲ୍ଲମ୍, ମଲ୍ଲୁକ, ଅଦାୟା, ଯାଶୁବ, ଶାଲ, ଯିରେମୋତ୍।
ପହତ୍ ମୋୟାବରତେ ପିଲାକିନାଗ୍କନ୍ ଅଦନ୍, କଲାଲ, ବନାୟ, ମାସେୟ, ମତ୍ତନିୟ, ବତ୍ସଲେଲ୍, ବିନ୍ନୁୟି ନୁ ମନଃଶି; ମେଣ୍ଡେ, ହାରୀମତେ ପିଲାକିନାଗ୍କନ୍ ଇଲିୟେଜର୍, ଯିଶିୟ, ମଲ୍କିୟ, ଶମୟିୟ ନୁ ଶିମିୟୋନ; ବିନ୍ୟାମିନ୍, ମଲ୍ଲୁକ ନୁ ଶେମରିୟ; ହଶୂମରତେ ପିଲାକିନାଗ୍କନ୍ ମତ୍ତନୟ, ମତ୍ତତ୍ତ, ସାବଦ୍, ଇଲିଫେଲଟ୍, ଯିରେମୟ, ମନଃଶି ନୁ ଶିମିୟି; ବାନିରତେ ପିଲାକିନାଗ୍କନ୍ ମାଦୟ, ଅମ୍ରାମ୍ ନୁ ଉୟେଲ; ବନାୟ, ବେଦିୟା, କଲୂହୂ; ବନିୟ, ମରେମୋତ୍, ଇଲିୟାଶିବ; ମତ୍ତନିୟ, ମତ୍ତନୟ ନୁ ଯାଶୟ; ମେଣ୍ଡେ, ବାନି, ବିନ୍ନୁୟି ନୁ ଶିମିୟି; ଶେଲିମିୟ, ନାତନ ନୁ ଅଦାୟା; ମଗ୍ନଦ୍ବୟ, ଶାଶୟ, ଶାରୟ; ଅସରେଲ୍ ନୁ ଶେଲିମିୟ, ଶେମରିୟ; ଶଲ୍ଲୁମ୍, ଅମରୀୟ, ଯୋଷେପ୍ । ନବୋରତେ ପିଲାକିନାଗ୍କନ୍ ଯିୟିୟେଲ୍, ମତ୍ତତିୟ, ସାବଦ୍, ସବିନଃ, ଯଦ୍ଦୋୟ, ଯୋୟେଲ ନୁ ବନାୟ; ଇଡ଼୍ ସାରେ ୱେରେ ଦେଶ୍ତେ ମୁତେକିଙ୍କ୍ ତାସ୍ ମାତ୍ତଡ଼୍; ମେଣ୍ଡେ, ଆ ମୁତେକି ନାଗାଙ୍କ୍ ବେନ୍ ବେନିନାଗ୍ ପିଲାଜିଲା ଜନ୍ମ ଆସ୍ ମାତ୍ତା।
Koya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.