ଉପଦେସକ
Ecclesiastes
Introduction from this edition
ଉପଦେସକ ପୁସ୍ତକ
ଉପଦେସକ ବଇ
ଉପଦେସକ ବଇ ବିସୟ୍ତାନ୍ ମାଟା
ଉପଦେସକ ଉଣ୍ତ୍ରି ବଇ ଆମାକା ଜିନି ଉଣ୍ତିଙ୍ଗ୍ ଲୋକାଙ୍ଗ୍ ବୁଦି ଅଜାକିନାତ୍ । ଇୟା ବଇ ଉଣ୍ତିଙ୍ଗ୍ ଇବ୍ରୁ ଇସାବ୍ତାନ୍ ଅର୍ତ ଆଜିନାତ୍, “ଏଦ୍ ଲୋକାଙ୍ଗ୍ ଉଣ୍ତ୍ରେମାନୁ କିନାତ୍ ।” ଏସ ପଣ୍ତିତ୍କୁ ବିସ୍ବାସ୍ କିନାର୍ ଜେ ରାଜା ସଲମନ ଉପଦେସକ ବଇଦି ରାସ୍ତାମାର୍ହାନ୍, ମାତର୍ ଆଇକାର୍ ଇବେନୁ ରାଜି ଆଏର୍ । ଜଦି ସଲମନ ନେ ଇୟା ବଇ ରାସ୍ତାମାର୍ହାନ୍, ଆର୍ତିଙ୍ଗ୍ ଇକା ଆନାତ୍ ୯୭୦-୯୩୧ ଜିସୁ ଜନମ୍ଆନି ଆଗ୍ଡ଼ି ଏମେ ବେଡ଼ାଦୁ ୱାନ୍ ଜିତାମାର୍ହାନ୍ । ଆଇ ପଣ୍ତିତ୍କୁ ବିସ୍ବାସ୍ କିନାର୍ ଜେ ଇକା ଆଇକାନ୍ ରାସ୍ତାମାନାନ୍ । ଇରିଙ୍ଗ୍ ବେଲେ ବେଲେ ଇକା ଅରେନ୍ ରାଜାଦି ବାଦ୍ଲୁ ଦାସ୍ତି ବାସା ବ୍ୟବହାର୍ ଆନାତ୍ (ଉପଦେସକ ୫:୮-୯) । ଆୟା ପଣ୍ତିତ୍କୁ ଅଡ଼୍ବିନାର୍ ଜେ ଉପଦେସକ ବଇ ସଲମନ୍ତି ବେଡ଼ାଦି ନାଣ୍ତ ୱେନ୍କା ରାସାତାମାର୍ହାତ୍, ଆନାତ୍ ୪୦୦ ଦାନ୍ ୨୦୦ ଜିସୁ ଜନମ୍ ଆନି ଆଗ୍ଡ଼ି ଆନାମାନାତ୍ ।
ଉପଦେସକ ରାସ୍ନିକାନ୍ ପାର୍ତୁମ୍ ମାଟା ଇନାନ୍ ଜେ ୱିଜୁ ଉଣ୍ତ୍ରି ପୁଣ୍ତା ୱାଜା ଆମାକା ବେଗି ମାର୍ଗାନାତ୍ ୧:୨ । ତେନି ଅର୍ତ ଆଜିନାତ୍ ଜେ ମା ଜିବନ୍ ମାରି ମା ପାଣି ୱିଜୁଦିନ୍ ତେବାଏତ୍ ମାରି ବୁଜାନିକା କାସ୍ଟୁ । ଅଡ଼ପ୍ ବେଡ଼ା ୱେନ୍କା ତେନି ନାଣ୍ତ ବାଗ୍ ବାଣାନିଦେର୍ । ତେନି ଏସ ବାଗ୍ ମା ଅଡ଼୍ବିନି ଆତ୍ରେ । ଜିବନ୍ ଏଣ୍ତେସ୍ ମାନାତ୍ ଆୟାୱାଜା ଆସ୍ନିକା ମାରି ମି ଆମାକା ମାନାତ୍ ଆବେନୁ ୱେଡ଼ିକା ଆନିକା ନେଗେତ୍ ୯:୯ । ଜିବନ୍ ୱିଜୁ କାସ୍ଟୁ ମାରି ୱେଡ଼ିକାଦିଙ୍ଗ୍ ବିସାର୍ କିନାଟ୍, ବଇଦି ସାରାସାରି ମାଟା ଆଜିନାତ୍ ମାପୁରୁଙ୍ଗୁଁ ମାନାନିକା ମାରି ୱାନି ଆଦେସ୍ ମାନାନି ୧୨:୧୩ । ଆକା ଆଜିନାତ୍ ୱିଜୁମାଣାନ୍ ନାଣ୍ତ ଦରକାର୍ ମାଟା ।
ଇୟା ବଇଦୁମାନି ମୁକିୟ ବିସୟ୍
୧. ଉପଦେସକ ଅଦ୍ୟାୟ୍ ୧:୧-୧୧ ପଦ୍ ୱିଜୁ ବଇଦି ରାସ୍ନିକାନ୍ ମାରି ୱାନି ଜିବନ୍ତି ଜିତି ୱାଲେରି ମାଟା ୱେର୍ନାତ୍ ।
୨. ଅଦ୍ୟାୟ୍ ୧:୧୨-୬-୯ ସାନ୍ଦି ଜିବନ୍ତି ଅର୍ତ ବିସୟ୍ତାନ୍ ୱେର୍ନାତ୍ ।
୩. ଅଦ୍ୟାୟ୍ ୬:୧୦-୧୨-୮ ସାନ୍ଦି ଅଜାକିନିୱାନି ସିକିୟାସିନିକା ୱେର୍ନାତ୍ ।
୪. ସାରାସାରି, ଅଦ୍ୟାୟ୍ ୧୨:୯-୧୪ ସାରାସାରି ଇନାତ୍ ଜେ ଜିବନ୍ତି ପୁରା ଉଦେସ୍ ଆଜିନାତ୍ ମାପୁରୁଙ୍ଗୁଁ ମାନାନିକା ମାରି ୱାନି ଆଦେସ୍ ମାନାନିକା ।
Konda Porja Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.