अय्यूब

अय्यूब की किताब

लेखक

कोए न्ही जान्दा के अय्यूब की किताब किसनै लिखी थी। किसे भी लेखक का इशारा इस म्ह न्ही करया गया। शायद एक तै घणे लेखक रहे होंगे। अय्यूब हो सकै सै बाइबल की पुराणी किताब सै। अय्यूब एक भला अर धर्मी जन था जिसकै साथ असहनीय त्रासदियाँ घटी अर उसनै अर उसके मित्तरां नै बेरा पाड़णा चाह्या था के उसकै साथ इसे दुखां का के प्रयोजन था। इस किताब के प्रमुख नायक थे, अय्यूब, तेमानी एलीपज, शूही बिल्दद, नामाती सोपर, बूजी एलीहू।

लिखण की तारिख अर जगहां

अज्ञात

किताब के भोत घणे अंश जाहिर करै सै के वा भोत बखत बाद लिखी गई सै, देश-लिकाड़े के बखत या उसके ठीक बाद। एलीहू का वृत्तान्त और भी बाद का हो सकै सै।

प्रापक

पुराणे बखत के यहूदी अर सब भावी बाइबल पाठक। यो भी मान्या जावै सै के अय्यूब की किताब के मूल पाठक गुलाम्मी म्ह रहण आळी इस्राएल की औलाद थी। इसा मान्या जावै सै के मूसा उननै ढाढ़स बंधाना चाहवै था जब वे मिस्र म्ह कष्ट भोग्गण लागरे थे।

मकसद

अय्यूब की किताब हमनै नीच्‍चै लिखी बात्तां नै समझाण म्ह मदद करै सै: शैतान आर्थिक अर शारीरिक नुकसान न्ही पहुँचा सकता। शैतान के कर सकै सै अर के न्ही कर सकता उसपै परमेसवर का हक सै। संसार के कष्टां म्ह “क्यूँ” का जवाब पाणा म्हारी गुंज़ाइश तै परै सै। दुष्ट नै उसका फळ मिलैगा। कदे-कदे म्हारी जिन्दगी म्ह कष्ट हमनै निखारण, परखे जाण, शिक्षा या आत्मा की शक्ति खात्तर हो सै।

खास बातें

दुःख के माध्यम तै आशीष

रूपरेखा

1. प्रस्तावना अर शैतान का वार

2. अय्यूब अपणे तीन्‍नु मित्तरां के गैल अपणे कष्टां पै विवाद करै सै

3. एलीहू परमेसवर की भलाई की घोषणा करै सै

4. परमेसवर अय्यूब पै अपणी परम-प्रधानता जाहिर करै सै

5. परमेसवर अय्यूब नै दोबारा तै बसावै सै