होशे

होशे नबी की किताब

लेखक

होशे की किताब के ज्यादातर सन्देस होशे कै जरिये कह्ये गये थे। हम न्ही जाणदे के होशे नै खुद ए ये वचन लिखे थे। घणा हो सकै सै के उसके चेल्यां नै बिश्वास करकै के होशे के वचन परमेसवर समंबधित सै, उन ताहीं लिख लिया था। होशे का मतलब सै, “उद्धार।” दुसरे किसे भी भविष्यवक्ता तै घणा होशे नै अपणे सन्देसां तै अपणे व्यक्तिगत जीवन ताहीं पेश करया था। धोक्खेबाज जनान्‍नी तै जाण बूझ कै ब्याह करणा, अपणी औलाद नै इसे नाम देवै जो इस्राएल की सजा की निशान्‍नी थे। होशे की भविष्यवाणी के वचन उसके पारिवारिक जीवन तै समंबधित थे।

लिखण की तारिख अर जगहां

लगभग 750-710 ई. पू.

होशे के सन्देस कठ्ठे करकै लिखे गए अर उसकी किताब त्यार करी गई थी। यो तो साफ न्ही सै के यो काम कद पूरा होया पर सम्भावना या सै के यरुशलेम के पतन तै पैहल्या यो सारा काम पूरा होग्या था।

प्रापक

होशे के सन्देस नै सुणण आळे मूल श्रोतागण उत्तरी राज्य इस्राएल के थे। जिब उनका पतन होया फेर उसकी भविष्यद्वाणियाँ ताहीं सजा की चेतावनी कै रूप म्ह सुरक्षित करकै राख्या गया मन फिराण की पुकार अर पुनरुद्धार की प्रतिज्ञा।

मकसद

होशे की किताब का मकसद था के इस्राएलियाँ नै बलके म्हारे ताहीं भी चिताया जावै के परमेसवर स्वामिभक्ति चाहवै सै। यहोवा ए एकमात्र सच्‍चा परमेसवर सै अर वो अखण्ड स्वामिभक्ति चाहवै सै। पाप की सजा मिलै सै। होशे नै पीड़ादायक नतिज्जें हमले अर गुलाम्मी की भविष्यवाणी करी थी। परमेसवर माणस न्ही के निष्ठा निभाण की प्रतिज्ञा करकै तोड़दे। इस्राएल के धोक्खे कै बाद भी परमेसवर उनतै प्यार करदा रहया उनके पुनरुद्धार की योजना करी। होशे अर गोमेर का ब्याह जो एक महत्वपूर्ण तुलना सै, उसके जरिये मूर्तिपूजक देश इस्राएल कै खात्तर परमेसवर का प्यार दर्शाया गया सै। इस किताब म्ह बताया गया सै, पाप, सजा अर माफी प्यार।

खास बातें

अबिश्वासयोग्य

रूपरेखा

1. होशे की धोक्खेबाज घरआळी

2. इस्राएल कै खात्तर परमेसवर की सजा अर न्याय

3. परमेसवर अपणे माणसां का उद्धारक सै

4. इस्राएल की धोक्खेबाजी अर सजा

5. इस्राएल के प्रति परमेसवर का प्यार अर पुनरुद्धार