Ɛstɛr

Takarata pɛ

Esther

Bebe wen hazu takarata pɛ Esther

Takarata pɛ Esther osi nɛ kasiwen pɛ zɔnga bhoko Zuif ka haa tunɔ pɛa mɔ kpasisi nɛ kandɔ pɛa.

Kasiwen ɛngɛ angiri ha ngimɔ dungɔ hazu solo wan pɛ Assierus, kongapora mɔ Perse. Sulo hio Zuif fɛt nduko ha zang le pɛ mbwa, maa hio ma bhɔna ha zang le mɔ Perse (kongakandɔ ka ba ganzu hio wi mɔ le Babilone). Kongapora gɔna soko hinɛ ko pɛa nɛ a sio may hinɛ Esther, nɛ dede lɔka bebhoko Zuif. Ha ngimɔ ɛngi bosi gɔvɔrɔma, Haman, dea ma gdungi mɔ bhɔdisi hio Zuif. Yang mɛ Esther, Mardose, ha kpa goto gdungi nɛ mɔsoykisi, Mardose nɛ Esther kpa wal mɔ kpasisi kandɔ pɛ mbwa.

Takarata ɛngɛ tɛ ngɛrki ling Sɔ na, maa osa mɛng a haa kɔ mɔ pam nɛ kandɔ pɛa.

Mardose yang mɛ Esther tɔa ha wɛnɛ:

«Maa o ha be ing o nde? Mɛ tɛ bo nɛ ko pɛ kongapora, ɔ ing na mana yo nɛ̂ hazu kpasisi ɔ ha zang ngaya mɔ ɛngɛ.» (4.14)

Takarata ɛngɛ osa fin hio goto mɔ nɛ hio goto yenga pɛ Zuif ka ɛ sa nde «Purim».

Hio mɔ ngaya mɔ takarata ɛngɛ

Esther tɛ bonɛ ko pɛ kongapora (1.1–2.23)

Haman ngoy mɔ gbɛ hio Zuif (3.1-15)

Mardose ana haa kɔ pɛ Esther (4.1-17)

Kongapora haa zio tɛ ha Mardose (5.1–6.14)

Ɛ gbɛa Haman (7.1-10)

Hio Zuif gbɛa hio ngana pɛ mbwa (8.1–9.19)

Ɛ dea yenga mɔ Purim (9.20-32)

Assierus nɛ Mardose tɛ bonɛ ngaya (10.1-3)