ህዝቄላ
Ezekiel
Introduction from this edition
ህዝቄላ ትምቢትያ
ገሉዋ
ትምቢትያ ኦድያ ህዝቄል የሩሳላመ ክርስቶሳ የለታፐ ካሰ፥ እቼሹ ጼታነ ሆስፑን ታማነ ኡሱፑን ላይን ላለታናፐ ካሰነ ላለቴዳዋፐ ጉየ፥ ኦሞዱዋን ባብሎነን ደኤዳ። እ ትምቢትያ ኦዴዳዌ ባብሎነን ኦሞዱዋን ደእያ አሳሳነ የሩሳላመን ደእያ አሳሳ። ህዝቄላ ማጻፋዉ ኦይዱ ክፍለቱ ደኢኖ።
1. ጾሳ ፕርዳይ አሳ ቦላ ያናዉ ማቴዳዋነ የሩሳላመ ኦይቀትያነ ላለትያ ዎዲ ጋኬዳዋ ምንሲደ ኤርስያ ኪታ።
2. ጾሳይ ባረ አሳ ኡቁኔዳነ ባለቴዳ ዱማ ዱማ ካዉተቱዋ ሙርይያዋ ግድያዋ ኦድያ ቃላቱዋ።
3. የሩሳላመ ኩንደፐ ስምና እስራኤልያ አሳ ምንናዉ እመቴዳ ኪታነ ስንፐካ ሎኦ ካጫይ ጋካናዉ ደእያዋ ኦድያ ህዶታ ቃላ።
4. ጌሻ ጎሊነ እስራኤልያ ካዉተይ በን ባረ ሳኣ ስማናዋ ህዝቄል ምስልያዳን በሴዳዋ። ህዝቄል ዎልቃማ አማኑነ አስ ቆፕያ ዎዛናይ ደእያ አሳ። ስንፐ ትምቢትያ እ ሳጻን በኤዳ። አ ኪታፐ ዳርያ ባጋይ ቆንጨ ግዴዳ ሌምሶ ኦሱዋን ኦደቴዳ። ህዝቄል አሳይ ባረ ግዶ አሳተን፥ ባረ ዎዛናንነ ባረ አያናን ኦራጻናዉ ኮሽያዋነ አሳይ ኡባይ ባረ ናጋራን ናጋራን ኦሸታናዉ ደእያዋ ምንሲደ ኦዴዳ። ሄዋናካ ጉጂደ፥ አሳ ደኡ ኦራጻናዉ ደእያ ህዶታ ቆንጭሴዳ። ህዝቄል ቄሰነ ትምቢትያ ኦድያዋ ግድያዋዳን፥ ጌሻ ጎልያባነ ጌሻተባ ዱማ ሀኖታን ጼልያ አሳ እ ግድያዋ በሴዳ።
ሸምፓቱዋ ኡባቶ እመቴዳ ቃን ቆፋቱዋ
1. ህዝቄል ናበተዉ ጼሰቱሳ
2. የሩሳላመ ቦላ ጾሳ ፕርዳ
3. አይሁዳ ግደና አሳ ቦላ ጾሳ ፕርዳ
4. ጾሳይ ባረ አሳዉ እሞ ህዶታ
5. ጎጋ ቦላ ኦደቴዳ ትምቢትያ
6. ያናዉ ደእያ ጌሻ ጎልያነ ቢታ ሳፃ
Dawro Full Bible Ethiopic. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.