1 TIMOTIUSI

WERAUNG WE RETENANG NA PAULUSI

WE

TIMOTIUSI

Kawio Aduna we 1 Timotiusi

Timotiusi mamo nyontarai Keresteni we amiomang dina. I meriwa we Seni kong rasuri Paulusi, aino wiuwu Seni ne Arera we Weng pa we kawasa pai. Tamani mamo nyontarai Yunani dina, mae inyani mamo nyontarai Yaudi dina. Kong Paulusi yau Timotiusi we ne kumai tarai na Sen Kristusi anongpa.

Paulusi kong Timotiusi uronta to bendari Epesusi, na wanapa demi Timotiusi nyai kong jemaatipai we dedawa nyontarai we entanyau kawio wemai wa paya. Mana mantauni donta to raora Makedonia paia. Interi anetatuata we dedu rang pea we teweri meraru to Epesusi wami, impaina soi weraung nini pai we Timotiusi.

Na weraung nei Paulusi derekamana we Timotiusi imbaromi riupi we Seni na wemai pampang. Kong deirorai we imbaro kewiowido nyontarai we entanyau kawio wetarai wa paya. Wo na Epesusi mamo nyontarai pe embe totoi entanyau anyau eaya warui Arera we Weng pa. Ya entanyau parari Kawio Musai soi pa, mana ya entanyau kawio wetarai wa. Ya etoyo tanari parari pi pitau, aino tandidau wa, tatang pi we tapuapa pe, imbaro Seni ingkai periri tata ki. Paurusi derekamana we Timotiusi imbaromi yua ya na paya.

Kong Paurusi denyau Timotius parari topitotoi we embedung we Kristusi ne jemaati paya pitoai entona pa, aino etong weweng pa kong embemamarang, etong sasara wa. Kong denyauwi parari topitotoi riupi we Yesus Kristusi na wemai kong piata nyontarai Kristeng paya pa.

Kawio na weraungnei kiutua toninapa:

Kawio retenang.

Paulusi derera we Timotiusi imbaro yua mantanyau pi wemai wa paya na Efesusi.

Paulusi denyau Timotiusi parari topitotoi embeng we nyontarai Keresteng pa.

Paulusi derera we Timotiusi imbaro kewioaya anyau wetarai wa pa kong riupi na wemai.

Paulusi denyau parari topitotoi nyontarai tandoaoa ne tata pitoai tanari we tane neta paya pa.

Paulusi derekamang Timotius imbaro dong parari Seni ne Kawio wetarai pa na wemai.