Jo Galatia

Waraga ma Paulo ocoyo bot

JO GALATIA

Lanyut wilok madito ma i buk man

Ikare ma kicako tito pi Kwena Maber ma mako kom Yecu dok bene ma jo mogo ma pe gubedo Lujudaya gucako jolone, ci dano gucako penyo kace kong myero gilub Cik pa Moses ka wek i dok lakricitayo me ada. Paulo onongo owaco ni meno pe mite, ento en owaco ni gin ma myero gutii matek me ada me bedo lakricitayo en aye bedo ki niye, pien niye aye ma weko Lubanga pwoyo dano ma ye en. Ento i kanica ma nonge i Galatia matye ite ker pa jo Roma i Acia, onongo tye jo ma okwero pwony pa Paulo woko kun gin waco ni; wek Lubanga ojoli, omyero dano ducu gulub Cik pa Moses.

Waraga man ma Paulo ocoyo bot jo Galatia ni obedo pi dwoko dano ma onongo kirwenyogi woko cen i niye ki i yo me ada. Paulo ocako coyo waraga man ki nyutu twerone macalo lakwena ma Lubanga aye ma omiye twero meno kun twero meno pe owok ki bot dano, dok bene tito ni en kiore bot jo ma pe gubedo Luyudaya. Dok bene en moko telok man ni pe tye gin mapat ki niye ma weko dano nongo pwoc ki bot Lubanga. I cura mogo ma giko buk man Paulo nyutu kamaleng ni kwo pa lakricitayo bedo atir kun a ki i mar matye i niye ikom Kricito.

Lacim wilok madito ma i buk man

Lanyut

Twero pa Paulo macalo lakwena

Kwena Maber me kica pa Lubanga

Bedo agonya ma a ki ibedo lakricitayo ki tic mamako komgi

Ladol lok