1 Temceo

Waraga mukwongo ma Paulo ocoyo bot

TEMCEO

Lanyut wilok madito ma i buk man

Paulo ocoyo waraga man bot Temceo macalo latine i niye. Temceo onongo Lakricitayo ma pud awobi dok tek i niye ma mere. Wone obedo dano me Grik ento mine obedo Lajudaya. En obedo lawang Paulo ki lami kony madit tutwal bote ikare ma Paulo tye kawot me cwalo Kwena Maber bot Lurok.

Waraga mukwongo ma Paulo ocoyo bot Temceo ojenge ikom lok adek madito. Mukwongo en oniango Temceo me gwoke ki ikom pwony me goba ma konye peke ma ocung dok ojenge ite kwaro pa Lujudaya. Pwony man ocung ma orube ki tam pa Lujudaya ki pa lurok mukene ni wilobo ki gin ducu matye iye obedo gin marac dok bene ni dano romo lare kun a ki i ngec mukane kitiyo tic macalo kwero camo kit cam mogo ki me bedo labongo nyome.

Me aryo Paulo otito ki Temceo kit ma, loc, woro ki kwo pa latic me Kanica omyero obed kwede.

Me adek Paulo otito ki Temceo me bedo latic pa Lubanga ma gene, ma kwiri dok ngeyo tic ki dul dano mapat pat matye i Kanica.

Lacim wilok madito ma i buk man

Mot ma oa ki bot lacoc

Lok ma mako Kanica ki lutic iye

Kit ma Temceo omyero otii dok okwo kwede