ಪ್ರಸಂಗಿ

ಪ್ರಸಂಗಿ

ವಳಕ

ಪ್ರಸಂಗಿ ಪುಸ್ತಕ ಜಿವನನಿ ಗ್ಯಾನ ಹುತಿ ಶಿಕ್ಲಾವಸ ಹಿಬ್ರುಮಾ ಎ ಪುಸ್ತಕ ಶಿರೊನಾಮ ಇನೊ ಮತ್ಲಬ ಸುವು ಕದ್ಯಾಮ ಮನಕ್ಹೊನೆ ಮಳಾವಾನು ಘನ್ನಾ ಅದ್ಯಾಯನ ಕರಾಲಾ ಉಪದೆಶ ಪುಸ್ತಕ ಲಿಕ್ಕಲವಾಲೊ ರಾಜೊ಼ ಸಲೊಮೊನ ವ್ಹೈ ಕೈನ ಬರೊಕ್ಹೊ ಕರಸ. ತೆ ನೈಸೊ ಎ ಹಜು಼ನ ದಕ್ಹಾನಾ ಬರೊಕ್ಹೊ ಕರ್ತಾ ನೈ. ತೆನೈಸೊ ಎ ಪುಸ್ತಕ ಬರ್ದಲ ರ‍್ಹವತ್ತೊ ಕಮ್ಸಿ ಕಮ್ಮ ಕ್ರಿಸ್ತ ಪುರ್ವ 970-931 ಕ್ರಿಸ್ತ ಪುರ್ವ ವಕ್ಹತಮಾ ಬರ್ದಲ ವಸ, ಎ ವಕ್ಹತಮಾ ತೆ ಜಿವ್ತೊ ವ್ಹತೊ.ಹುಜು಼ನ ಉಗ್ರಲ ಅದ್ಯಾಯನ ಕರಲವಾಲಾ ಎ ವರಿ ಬಿಜು಼ ಬರದ್ಯಾವಸ ಕೈನ ಬರೊಕ್ಹೊ ಕರಸ. ಕಾ ಕದ್ಯಾಮ ಎ ಕಾಲಮಾ ಉಪಯೊಗ ಕರಲ ಭಾಶೆ ಯಕ್ಕ ರಾಜಾ಼ ನಿಂಗತ ಛೆ. ವರಿ ಯಕ್ಕ ಸೆವಕ ನಿಂಗತ ಛೆ. (ಪ್ರಸಂಗಿ 5:8-9) ತೆ ಅದ್ಯಾಯನ ಕರಾಲಾ ಪ್ರಸಂಗಿನು ಪುಸ್ತಕ ಸಲೊಮೊನನಾ ಘನ್ನಾ ಕಾಲ್ಪರ ಬರ್ದ್ಯಾಸ ಕೈನ ವಿಚಾರ ಕರಸ. ತೆ ಕಾಲ ಕದ್ಯಾಮ ಕ್ರಿಸ್ತ ಪುರ್ವ 400 ಮತ್ತು 200 ಕ್ರಿಸ್ತ ಪುರ್ವ ನಾ ವಚ್ಮಾ಼ .

ಪ್ರಸಂಗಿ ಕ್ಹಾರುಜ಼ ಯಕ್ಕಜ಼ ಉಸು ನಿಂಗತ ಗಪಕ್ನೆ ಗಾಯಬ ಥೈನ ಜಾ಼ವಾನು ಕವಾನಾ ಮುಲಕ ಶುರು ಥಾವಸ 1:2 ಇನೊ ಮತ್ಲಬ ಸುವೈ ಕದ್ಯಾಮ ಅಪ್ನಾ ಜಿವನನಾ ಕಾಮೊ ತಾತ್ಕಾಜ಼ ವ್ಹೈ ವರಿ ಕಳೈಲಿವಾನು ತ್ರಾಸ ಛೆ ಇಮಾನು ಘನ್ನಿಯೊ ಸಂಗತಿ ದಕ್ಹಾ ವಕ್ತಮಾ ಇಕ್ಹ್ರಾಯೊಸಿಮಾನಿಯೊ ಘನ್ನಿಯೊ ಸಂಗತಿಯೊ ಅಪ್ನಾ ಹತ್ಮಾ ನೈ ರ‍್ಹತಿಯೊ ಜಿವನ ರ‍್ಹಯಲ ತಮ್ಮಜ಼ ವಪ್ಪಿಲಿವಾನೆ ವರಿ ರ‍್ಹಯಲಮಾಜ಼ ಕ್ಹುಶಿಕ್ಹು ರ‍್ಹವಾನು ಚೊ಼ಕು ವ್ಹೈ. 9:9. ಜಿನವನನಿ ತ್ರಾಸೊ ವರಿ ಕ್ಹುಶಿ ಕ್ಹುದಾನೆ ಭುಚ್ಕಾಲಾ ವರಿ ತಿನಿ ಅಗನ್ಯಾ ಪಾಲಿಸಾನಾ ಹುತಿ ಕತಾ ಪುಸ್ತಕ ಖಲಾಸ ಥಾವಸ 12:13. ತೆ ಘನ್ನಿ ಖಾಸ ವಿಶಯ ವ್ಹೈ.

ಪಿಠಿಕೆ

1. ಪ್ರಸಂಗಿ 1 ನೆ ಅಧ್ಯಾಯಮಾ 1 ತು 11 ನೆ ವಚನಾ ಪುಸ್ತಕಮಾ ಬರ್ದಲವಾವೊನೆ ವರಿ ತ್ಯುನಾ ದಕ್ಹಾ ಜಿವ್ನಾ ಅನುಭವಿಸಾನು ವಳಕೈನ ದಿವಸ.

2. ಅಧ್ಯಾಯ 1:12 ತಿ 6:9 ಲಕ್ಕಾ ಜಿವನನು ಮತ್ಲಬ ಚರ್ಚಾಕರಸ.

3. ಅಧ್ಯಾಯ 6:10 ತು 12:8 ಮಾಸ್ತಾರೊನೆ ಸಲಹೆಯ ದಿವಸ.

4. ಲಾಸ್ಟಮಾ , ಅಧ್ಯಾಯ 12 ವಚನತು 9 ತು 14 ಲಕ್ಕಾ ಜಿವಣು ಕ್ಹಾರುಜ಼ ಉದ್ದೆಶ ಕ್ಹುದಾನೆ ಭುಚ್ಕಾನು ವರಿ ಆಗನ್ಯಾನೆ ಪಾಲನಾ ಕರಾನು ಕೈನ ಕವಾನಾ ಮುಲಕ ಪುಸ್ತಕಮಾ ಮುಕ್ತಾಯಾ ಥಾವಸ.