पांच़

पांच़

लोगा लै नसाफ दैणैं आल़ै

भेत

लिखणैं आल़अ: खास थोघ निं आथी पर यहूदी मांझ़ै आसा एही गल्‍ला कि ऐहा कताबा लिखणैं आल़अ आसा परमेशरो गूर शमूएल।

सन: 1043 का 1000 ईसा आजी

पहल़णैं आल़ै: इज़राईली अर होर ज़ुंण बी ऐहा कताबा पहल़े।

पांच़े कताबा का लागा हाम्हां का ऐहा गल्‍लो थोघ कि इज़राईली किहै लागै तै बिधाता छ़ाडी मुहुर्ती पूज़दै। तिंयां रहै हर बारी इहअ करदै लागी अर बिधाता दैनी तिन्‍नां लै एही सज़ा कि तिंयां हुऐ पराई ज़ातीए गलाम। खिरी हुअ इज़राईली पछ़ताअ अर तिंयां लागै बिधाता सेटा अरज़ करी मज़त मांगदै। तेखअ छ़ांटै बिधाता तिन्‍नां मांझ़ै खास सैणैं अर तिन्‍नां लै बोला तै “पांच़।” तिन्‍नां मांझ़ै कई हआ तै सैने सैणैं अर कई हआ तै बधाने साबै लोगे फैंसलै करनै आल़ै। ज़ेतरी साला तैणीं पांच़ो राज़ रहअ तेतरी साला तैणीं रही इज़राईली मांझ़ै शांती अर इज़राईली बी रहै बिधाता लै शुचै-पाक्‍कै। पर बादा का पेठै इज़राईली भिई बिधाता छ़ाडी कबाता। तिंयां रहै एही ई गलती कई बारी करदै लागी।

कोई पांच़; हआ तै सोभी इज़राईली प्रैंदै सैणैं अर पर खासकर हआ तै पांच़ टोली-टोलीए सैणैं। तेऊ ज़मानैं तै इज़राईली होछ़ी-होछ़ी अर आपणीं-आपणीं टोली दी बांढुऐ दै, तिंयां निं आप्पू सोभै इज़राईली एक टोली अर एकी देशे रुपै समझ़ी बोल्दै तै।

“तेऊ ज़मानै निं इज़राईली मांझ़ै कुंण राज़अ आथी त अर तिन्‍नां धैल़ै किअ तिन्‍नैं सोभी ज़िहअ तिन्‍नां राम्बल़अ लागअ तिहअ।”

(21:25)

कताबे बांड

इज़राईली हुऐ कनान देशे मालक, पर तिंयां बिस्सरुऐ बिधाता पठी 1:1—3:6

इज़राईलीए खास सैणैं पांच़ 3:7—16:32

इज़राईली लै रही आफ़ता पल़दी लागी 17:1—21:25