एस्तेर

एस्तेर

यहूदी शोहरी एस्तेर फारस देशे राणीं

भेत

लिखणैं आल़अ: पाखलअ यहूदी मणछ

सन: 464 का 331 ईसा आजी

पहल़णैं आल़ै: यहूदी

ऐहा कताबा दी आसा एक यहूदी शोहरी एस्तेरे बारै कि बिधाते हुणाकार हुई एही कि सह बणी फारस देशे राणीं। तैहा बच़ाऊऐ आपणीं अक्ली करै यहूदी ज़ुंण पठी मारी खतम तै लाऐ दै करी। दुजअ मणछ आसा ऐहा कताबा दी एस्तेर राणींओ भाई मुर्दकाई ज़ुंण तेसे च़ाच़ूओ शोहरू थिअ।

क्षयर्ष फारसी राज़ैओ प्रधान मंत्री च़ाहा त फारसी राज़ा यहूदी पठी मारी खतम करनअ, सह च़ाल पाई एस्तेर अर मुर्दकाई उंबल़ी तेऊ ई प्रैंदै। तेते बारै खोज़ा अह कताब कि यहूदी मांझ़ै पूरीम थैरे शुरूआत किहअ करै हुई।

आपणैं दुशमणा का ज़ितणैं बाद लिखी मुर्दकाई अर एस्तेर राणीं फारसी राज़ा दी सोभी देशै अर मुल्खै रहणैं आल़ै यहूदी लै च़िठी कि ऐहा गल्‍ला डाहै आद कि हाम्हैं बिधाता किहै बच़ाऊऐ अर च़ौदा-पंद्रा फागणै लऐ पूरीम थैर मनाऊंईं। एही निं ऐहा कताबा दी परमेशरे बारै किछ़ आथी लिखअ द, पर इना सारी गल्‍ला का लागा इहअ थोघ कि परमेशरै त आपणीं परज़ा बच़ाऊंणेओ इंतज़ाम करी डाहअ द, तैही बणी एस्तेर फारस देशे राणीं अर मुर्दकाई बी बोलअ खिरी इहअ:

“कुंण ज़ाणें कि तूह ऐहा ई खरीए घल़ी लै आसा होए माहा राणीं बणी दी!”

(4:14)

कताबे बांड

एस्तेर बणी फारस देशै माहा राणीं 1:1—2:23

यहूदी लै पल़ी घोर आफ़त 3:1-15

राणीं एस्तेर अर मुर्दकाईए काम 4:1—5:14

यहूदीओ छ़ुटकारअ 6:1—10:3