Kulvi Outer Seraji Bible
एस्तेर 10
मुर्दकाईए मशूरी
क्षयर्ष राज़ैओ राज़ ज़िधी-ज़िधी थिअ, तिन्नां मुल्खै अर समुंदरे टापू दी मज़दूरी करनै आल़ै लोगा लै लाअ तेऊ कारअ। ज़ेतरै बी महान अर मशूर काम क्षयर्ष राज़ै किऐ, तिंयां सोभै गल्ला आसा मादी अर फारस देशे इतिहासे कताबा दी लिखी डाही दी। मुर्दकाईए बारै बी भेटा तेथ लिखअ द कि क्षयर्ष राज़ै बडी पदबी दैई तेऊओ किहअ अदर किअ। आपणैं राज़ा दी थिअ क्षयर्ष राज़ै आप्पू बाद सोभी का बडी पदबी दी मुर्दकाई डाहअ द। मुर्दकाईओ करा तै सोभ यहूदी बडअ अदर अर तेऊ च़ाहा तै सोभ। तेऊ किअ आपणैं लोगा लै भलअ काम अर राज़ै सेटा करा त सह आपणैं लोगे फाज़त लै करा त सह राज़ै सेटा गल्ला करी।
Kulvi Outer Seraji Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.