यहो.

यहोशू की किताब

लेखक

यहोशू की किताब म्ह लेखक का नाम स्पष्ट न्ही सै। यो तो तय सै के नून का बेट्टा यहोशू, मूसा का उत्तराधिकारी जो इस्राएल का अगुआ होया, उसे नै ज्यादातर किताब ताहीं लिख्या सै। इस किताब का उत्तरार्ध हो सकै सै किसे और नै लिख्या सै, यहोशू के मरण कै बाद। यो भी हो सकै सै के यहोशू कै मरण कै बाद इस किताब के घणे अंशां का खुलास्सा करया गया सै। इस किताब म्ह मूसा की मौत तै लेकै यहोशू की अगुवाई म्ह वायदे के देश पै जीत का जिक्र सै।

लिखण की तारिख अर जगहां

लगभग 1405 - 1385 ई. पू.

एक सम्भावना या भी सै के या किताब वायदे के देश पै यहोशू की जीत के बखत का अभिलेख सै।

प्रापक

यहोशू की किताब इस्राएल कै खात्तर अर बाइबल के सारे भावी पाठकां खात्तर लिक्खी गई सै।

मकसद

यहोशू की किताब म्ह प्रतिज्ञा के देश पै परमेसवर की जीत के सैनिक अभियानां का सर्वेक्षण सै। मिस्र तै लिकड़ण कै बाद जंगळ म्ह 40 साल तक फिरण कै बाद बणाई गई जात्ति इब वायदे के देश म्ह प्रवेश करण पै सै, वा ओड़ै के निवासियां नै हराकै उस देश पै अधिकार करैगी। यहोशू की किताब म्ह आग्गै चालकै दिखाया गया सै के करार कै अधीन या चुणी होई जात्ति वायदे के देश म्ह किस तरियां बसगी। इस म्ह अपणे करारां के प्रति परमेसवर की बिश्वासयोग्यता का बखान करया गया सै उनके पूर्वजां कै गैल करया गया करार अर इस्राएल कै गैल करे गये करार अर सीनै पहाड़ पै पैहला करार। धर्मशास्त्र की इस किताब तै परमेसवर के माणसां नै प्रेरणा अर मार्गदर्शन प्राप्त होवैगा के वे अपणी भावी पीढ़ियाँ म्ह इस्से तरियां इस करार कै बारै म्ह वफादारी अर एकता अर उच्‍च नैतिकता म्ह रहवै।

खास बातें

विजय

रूपरेखा

1. वायदे के देश म्ह दाखिल होणा

2. उस देश म्ह जीत का अभियान

3. धरती का बटवारा

4. गोत्रां म्ह एकता अर परमेसवर तै स्वामिभक्ति