Haryanvi Bible
यहो. 12
मूसा के जरिये राजाओं पै जीत
यरदन पार पूर्व दिशा की और, यानिके अर्नोन घाटी तै लेकै हेर्मोन पर्वत ताहीं के देश, अर सारे पूर्वी अराबा के जिन राजा नै इस्राएलियाँ ताहीं मारकै उनके देश ताहीं अपणे हक म्ह कर लिया था वे ये सै; एमोरियां का हेशबोनवासी राजा सीहोन, जो अर्नोन घाटी के किनारे कै अरोएर तै लेकै, अर उस घाटी के बीच के नगर नै छोड़कै यब्बोक नदी ताहीं, जो अम्मोनियाँ की सीमा तै, आध्धे गिलाद पै, अर किन्नेरेत नाम के ताल तै लेकै बेत्यशीमोत तै होकै अराबा के ताल ताहीं, जो मृत सागर भी कुह्वावै सै, पूर्व की और के अराबा, अर दक्षिण की और पिसगा की ढळाण कै नीच्चै-नीच्चै के देश पै राज करै था। फेर बचे होए रापाइयाँ म्ह तै बाशान के राजा ओग का देश था, जो अश्तारोत अर एद्रेई म्ह रहया करदा, अर हेर्मोन पर्वत सल्का, अर गशूरियाँ, अर माकियां की सीमा ताहीं कुल बाशान म्ह, अर हेशबोन के राजा सीहोन की सीमा ताहीं आध्धे गिलाद म्ह भी राज करै था। इस्राएलियाँ अर यहोवा के दास मूसा नै इन ताहीं मार दिया; अर यहोवा के दास मूसा नै उनका देश रूबेनियाँ अर गादियाँ अर मनश्शे के आध्धे गोत्र के माणसां ताहीं दे दिया।
यहोशू के जरिये राजयां पै जीत
यरदन के पश्चिम की और, लबानोन के मैदान म्ह के बालगाद तै लेकै सेईर की चढ़ाई के हालाक पहाड़ तक के देश के जिन राजयां ताहीं यहोशू अर इस्राएलियाँ नै मारकै उनका देश इस्राएलियाँ के गोत्रां अर कुलां कै मुताबिक भाग करकै दे दिया था वे ये सै हित्ती, अर एमोरी, अर कनानी, अर परिज्जी, अर हिब्बी, अर यबूसी, जो पहाड़ी देश म्ह, अर नीच्चै के देश म्ह, अर अराबा म्ह, अर ढालू देश म्ह अर जंगळ म्ह, अर दक्षिणी देश म्ह रहवै थे। सारे राजयां म्ह तै, यरीहो का राजा; बेतेल कै धोरै के आई नगर का राजा; यरुशलेम का राजा; हेब्रोन का राजा; यर्मूत का राजा; लाकीश का राजा; एग्लोन का राजा; गेजेर का राजा; दबीर का राजा; गेदेर का राजा; होर्मा का राजा; अराद का राजा; लिब्ना का राजा; अदुल्लाम का राजा; मक्केदा का राजा; बेतेल का राजा; तप्पूह का राजा; हेपेर का राजा; अपेक का राजा; लश्शारोन का राजा; मादोन का राजा; हासोर का राजा; शिम्रोन्मरोन का राजा; अक्षाप का राजा; तानाक का राजा; मगिद्दो का राजा; केदेश का राजा; कर्मेल म्ह योकनाम का राजा; दोर नाम के ऊँच्चे देश के दोर का राजा; गिलगाल के गोयीम का राजा; अर तिर्सा का राजा; इस तरियां इन इकत्तीस राजयां ताहीं हराया।
Haryanvi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.