2 इतिहास

इतिहास की दुसरी किताब

लेखक

यहूदी परम्परा कै मुताबिक विधिशास्त्री एज्रा इसका लेखक सै। 2 इतिहास की किताब की शरुआत सुलैमान के राज्य के वृत्तान्त तै होवै सै। सुलैमान की मौत कै बाद राज्य का बटवारा होग्या। 1 इतिहास की संलग्न किताब, 2 इतिहास इब्रानियों के इतिहास का ए अनवरत बखान सै सुलैमान के राज्यकाल तै लेकै बाबेल की बन्धुआई ताहीं।

लेखन तिथि अर जगहां

लगभग 450-425 ई. पू.

इतिहास की किताब की तारिख निर्धारण भोत मुश्किल सै, भले ही यो स्पष्ट सै के उसका लेखनकाल बाबेल की बन्धुआई तै लोट्टण कै बाद का सै।

प्रापक

प्राचीनकाल के यहूदी अर बाद के सारे बाइबल पाठक।

मकसद

2 इतिहास की किताब म्ह ज्यादातर 2 शमूएल अर 2 राजयां की किताब म्ह दी गई जानकारियां का ए पुनरावलोकन सै। 2 इतिहास की किताब उस बखत के पुरोहितीय पक्ष पै घणा बल देवै सै। 2 इतिहास की किताब खासकर राष्ट्र के धार्मिक इतिहास का मूल्यांकन सै।

खास बातें

इस्राएल की आध्यात्मिक विरासत

रूपरेखा

1. सुलैमान के बखत का इस्राएल का इतिहास

2. रहोबाम तै आहाज ताहीं

3. हिजकिय्याह तै यहूदिया के अन्त ताहीं