ኣሞጼ ቲንቢቴ

ኣሞጼ ቲንቢቴ

ጊዶ ቆፋ

ኣሞጼስ ቲንቢቴ ሃሳያ ኤራቴ ዴና፤ ኢዚ ቲንቢቴ ሃሳዮ ቲሚርቴ ታማርቤና። [7፡14] ጊዶ ኣቲን ኢዚ ፑዴ ሃን ዲዛ ካዎቴ ጋርሳን ዲዛ ዴሬዛስ ኢዚ ኪታ ጋና ማላ ኪቴቲዳ ዎዴ ኣሞጼይ ዩሁዳን ዲዛ ቴቁሄ ጌቴቲዛ ካሴ ኢዚ ዲዛ ጉታዮ ዬጊዲ ቢዴስ። ኢዚ ሄፔካ ዴንዲዲ ኢስራኤሌ ኣሳስ ኤሬቲዳ ጎይኖሶ ጊዲዳ ጌዴ ቤቴሌ ካታማ ቢዴስ። ሃይሳ ሃ ማጻፋዛን ኮይሮ ቦላ ኣሞጼይ ዴሬዛ ኣማቴስ፤ ሄሳፌ ኢስራኤሌ ኣሳ ሃራፔካ ሎኦ ዱሲ ዲዛ ዱሬታ ኣማቴስ። ሄ ዱሬቲ ዴሬዛ ቦንቂዲ ባስ ኣይሌ ሂስቲ ሃራናስ ኢስታስ ጊታ ዎልቃይ ዴስ። ኢስታፌ ዳሮቲ ጎይናናስ ሃራ ኤቃ ጾሳቲ ዲኮካ ኢስታ ናጊዛይ ጎዳ ጊዲዳይሳ ባ ዎዚናን ቆፔቴስ። ኣሞጼይ ጊዲኮ ኢስቲ ባ ናጋራ ጊሻስ ቃጻዬታናይሳ ኢስታስ ዮቲዴስ። «ኢታ ሚሽ ኢጺቴ ሎኦ ጊዲዳዚ ሲቂቴ። ፒርዳ ፒርዲዛሶን ፒርዳ ቱጮፍቴ። ሜቴ ጎዳይ ኣቲዳ ኢስራኤሌ ዴራ ኢዚ ማሮንታ ኣጌና።» [5፡15]

ሃ ማጻፋይ ኦይኪዳ ኩሜ ቆፋ

ዴሬቲ ባ ሞሮን ቃጻዬቴ

ኢስራኤሌይኔ ሳማሪያይ ያና ይስ

ኢስራኤሌ ቂጻቴ ጊሻስ ኣሞጼይ ቤኢዳ ኢቻሹ ኣጁታታ

ኢስራኤሌስ ዲዛ ሎኦ ሂዶታ