दानीयल

दानीएल की पुस्तक

दानीयलेन किताप

दानीयलेन बारामां

दानीयलेन किताप बेबीलोन मां ईस्‌राएली माणसेन गुलामीन टेमे भगवानेन अघली वात बताड़न्‌यु दानीयलेन जीवनेन बारामां ने अघली वात ने सपनान बारामां छे। जां दानीयल ने तेरा दुस्‌तीदारेन ईमानदारी ने तेर भेळे-भेळे राज्‌य-राज्‌य ने दुनीयान ने अघली वातेन बारामां बताड़े। जी किताप 605 सी 535 ईसा पेहलेन टेम लगुन वात काजे बताड़े, जां दानीयल ने बेबीलोन वाटे चार दीसरा-दीसरा राजान राज करनेन टेमे सेवा करला। जसी पेहलुत सी रीतीन अनसारे सी असों छे की दानीयल खुदुत तीनी टेमे बेबीलोन मां किताप लिखलु छे, बाकुन काहीं बाद वाळा माणसेन वारु भन्‌ला माणसेन कवणु छे की, ईनाक बाद मां मे दुसरी सताब्‌दी ईसा पेहलेन टेम मां, इस्‌राएल देस मां लिखायलो छे। दानीयलेन किताप गुलामी मां रवणे वाळा ईस्‌राएली माणसे भेळे-भेळे काठली टेम आवणे पर आवणे वाळी पीड़ी काजे आस देणे करीन लिखायली छे। दानीयलेन जीवनेन बारामां हवलो ने हवणे वाली वातेन बारामां दुयुन साहरे, भगवान राजा ने राज्‌य-राज्‌य पर आपसी ताकत देखाड़े। बाईबलेन हीसाब मां, जो नवलो नेम भगवानेन राज काजे समजणे मां मदत करे।

बाहरती वात

1. नबुकदनेस्‌सरेन राजान राज मां बेबीलोन देस मां दानीयल ने आपसा दुस्‌तीदारेन बारामां बताड़लो छे।

2. राजु बेलसस्‌सरेन सपनान दानीयलेन कामेन बारामां बताड़लो छे।

3. दारा राजेन दाहड़ा मां नाहरेन गड्‌डा मां दानीयलेन बारामां बताड़लो छे।

4. आवणे वाळी वातेन बारामां दानीयल काजे भगवान भीणी सी सातायली वातेन सुरुवात भेसकायली छे।

(क) दानीयल आवणे वाळी वातेन बारामां दुय सपनो ने हींद्‌रो काम बताड़े।

(ख) दानीयल आपणा माणसे वाटे दुवा करे, ने सरगदुत जीब्‌राएलेन साहरे जपाप जड़े।

(ग) जीब्‌राएल भगवानेन अघली वातेन बारामां उजेंतु देखाड़े, ने तेरेमां आकरी टेम बी भेसकायली छे।