1 Timotiusi

SURAT PAULUSI DIENATUA RETENA MASO

TIMOTIUSI PAI

KAVO VERA USARA PA

Timotius ma siniotu veve Kristen vavoru nina, nanapi uta Asia Katu, vie maneta tutir Paulusi e kioti nana nie nanaripi pai ave sunggavo siepara Kavo Vesie pai. Timotiusi tamani ma siniotu Yunani nina, e siniani ma Yahudi nina. Nana rabua Paulusi vui surat ninei pa, Timotiusi andija niana Efesus e Paulusi niana Makedonia. Paulusi kasa ria so Efesus va ave amamo dio siejori. Apavo vui

Retena pa, diono kavo sanepaja maso Timotiusi nanapi siniotu vekor kavo aniau vesasara pasia so kuaruvi vesanemitiar pai. Kavo aniau jasi ma simasi vaveri tutiri Kavo Vesie pai va. Setopana Musai nie kavo aniau na Torat pai, vape sene kavo aniau pasi ma sitindija va. Nanapi sene kavo aniau pai mamo, diadi so tasamuai vesie pai nanapi tandiriau va, e tatan pisia veve rariai va. Paulusi diemiasa Timotiusi dio vavera tutiri kavo aniau ninesi.

Veve muandua pa, dioisara ariri ria maso Timotiusi ave nienari ariri kuaruvi vesanemitiar pai pa e, nienari ariri ari pasi pa. Paulusi tiopan ariri siniotu diadi veve penatua e veveru nana kuaruvi vesanemitiar pai. Vepui pa, Paulusi dieniniau Timotiusi ave tienam ariri womi viate maso Yesus Kristusi pa, e ruini ariri dioisara nanaripi vetindija pai maso kaiwasa venana kuaruvi vesanemitiar pai.

Kavo veve umaja nana surat nei pasi

Kavo vepaponia pa

Vioisara ariri ria so nanaripi venana Jemaat pai e, veveru nana kuaruvi vesanemitiar pai pa sia

Vioisara ariri ria maso Timotiusi, na nie nanaripi pai