युहान्ना

युह्न्नायी टि:टिबि

युह्न्नायी टि:टिबि

पुस्‍तक परिचय

युहान्नायि अनुसार क्याइना लोन ल सारबा ठिमयि किताब स्यि थाबि नाङने च्हि ना काङ ति येशु ख्रिष्टयि मिजि मनङि क्याकिन। हतिबे नाङने पोरोला “लोन ल” नेन, काङति तोन “लोन ल” ना। हतिबा मत्ति, मर्कुस, लुका, राङ युहान्नायि येशु स्यिछारते टिटिबा ना। युहान्नायि अनुसार लोन ल ख्रिष्ट क्येयापले हा:लाम ९० लोयि च्येला लोब्टु युहान्नायि टिटिबा ना। किताबयि ढिङान युहान्ना हिना मानाइ नाङ कानि ढियापयि सैलि १ युहान्ना २ युहान्ना राङ ३ युहान्ना अछेरबा ङ्याबो ढियाप दु। रेन ताङबुइ ढिङानतेबे धि भेलाला युहान्नाला एफिससयि भजारला पोपोरा होतो हतिचाला धि किताब एफीसिसला टिटिबा हिनोम नाइबा हुन्दु। युहान्नायि साल्बो क्याइरे धि किताबयि उदस्य नाइरे मितेबाला येशु राङ ख्रिष्ट हिना नाइरे, सोम्बो कजसुबायि पिजा हिना नाङान रुवा कियाप हिना नाइरे स्योकिन (२०.३१) धि हिछे क्याइरे हुइ ख्युइ मिनला मिजे खाँ ङ्युइकिन। किताब यहुदि राङ यहुदि मान्ते टङानतेबे चाला टिटिबा ना।

युहान्नायि लोन ल यि किताब स्यान लोन लयि किताबले कुरु होतो। ख्युइ येशुयि क्याक्याइबि हा:लाइयापयि ध्यान ढुइयापला क्याक्याइबा ना राङ ख्युइ प्येतेबे भारेला लेइराङ माटिबा। येशुयि बप्तिस्मा राङ च्याङ मेते साला ख्युइ क्याक्याइबि लाइ लतेबा च्वरा मुख्य घटनातेबा याङ धि लोन ल टिटिबा मेता।

धो रेखा।

१ युहान्नायि ला लोन ल सुरु किन।

२ हतिच्येला ख्युइ येशुयि क्याक्याइबि लेइराङ हा:लाइयापयि लाइ भारेला ढिन।

हतिच्येला ख्युइ येशुयि मिजेला लेइराङ घटनातेबा मनङि क्याकिन काङते ख्युइ स्यियाप राङ सिरे याङ सोम्बो च्युङदे लाँलाँबि भारे थु क्योबिन।

४ युहान्नायि अध्याय २१ ला लोन लयि अन्य किन जब येशु स्यिस्यियातेबाने सोम्बो च्युङदे लाँछारते मितेबे धुनला थोङसोङ राङ हतिच्येला किताब टिटिबि उदेश्ययि भारेला याङ स्यातेलो।