भजनसंहिता 91

परमेस्वर आमरो रक्सक

1जोन सर्वसक्तीमान को छायो हुयो जाघा मा बसयो रव्हे,

ऊ परम परधान को सावली मा ठिकानो पाहे।

2मी यहोवा को बारे मा कव्हूँ, “ऊ मोरो रव्हन को जघा अना किला से;

ऊ मोरो परमेस्वर से, जोन पर मी भरोसा राख सेऊँ”

3ऊ ता तोला बरबादी को जाल लक;

अना माहामारी लक बचाव से1;

4ऊ तोला आपरो पंखो को आड़ मा ले लेहे,

अना तू वोको पंखा को खाल्या सरन पाहे;

वोकी सच्चाई तोरो लाय ढाल अना बचाव करहे।

5तू ना रात को भेव लक डरजोस,

अखीन ना वोना तीर लक जोन दिवस ला उड़ावा से।

6न वोना विनास माहामारी लक जोन इन्धार मा फयलासेत।

अखीन वोना महारोग लक जोन दिवस को दुफारी मा उजड़वासे।

7तोरो जवर हजार,

अना तोरी उज्जो कन दहा हजार पड़ेत।

पर उ तोरो जवर नही आहेत।

8पर तू अपरो डोरा कन निघा करहेत। 2

अखीन दुस्ट लोखहुन गिनला सजा ला चोहेत।

9ओ यहोवा, तू मोरो सरन जघा ठयरो सेत।

तूना जोन परम परधान ला आपरो रव्हन को जघा मान लियो से।

10एकोलाय कोनी आफद तोरो पर नही पडेत,

न कोनी दुख तोरो डेरा को जवर आहेत।

11काहेकि उ आपरो दूत गिन ला तोरो लाय हुकुम देहेत।

कि जिता कदी तू जाय वोय तोरी रकसा करे।

12वोय तोला हातो हात उठा लेहेत।

असो नोको होय का तोरो पाय मा गोटा लक ठेस लगे।

13तू सिंह अखीन कारो नाग ला कुचलेत,

तू जवान सेर अना सरप ला खुन्देत।

14वोना जोन मोरो लक पिरेम कियो से। एकोलाय मी वोला सुडाहुन।

मी वोको उच्चो जघा मा राखीन, काहेका वोना मोरो नाव ला जान लियो से।

15जब उ मोला हाकलेत, तब मी वोको आयकु।

संकट मा मी वोको संग रव्हुन।

मी वोला बचायके वोको महीमा बढ़ाऊँ।

16मी वोला लम्बो उमर लक तिरप्त करहूँ।

अना आपरो कियो हुयो उध्दार को दरसन चोवाहूँ।