भजनसंहिता 90

चौथा भाग

(भजनसंहिता 90—106)

परमेस्वर अखीन मानूस

परमेस्वर को चहेतो जन मोसे को पिराथना

1ओ पिरभू! तू पीढी लक पीढी तकन मोरो लायी रव्हन को जघा बनयो।

2यो लक मोहरा को पहाड़ी पैदा होतो ,

या तू धरती अखिन जगत की रचना ,

को वरन सनातन बेरा लक आखरी बेरा

तकन तू च परमेस्वर आस।

3तू मानूस ला लवटा माटी मा ले जावासे,

अखिन कव्हासे , ओ मानूसहुन,

लवट जाव!

4काहेकि हजार साल तोरो

निघा मा असो सेस कल को दिवस जोन बीत गयी ,

या जसो राती को एक पहर .

5तू मानूसगिन ला धार मा बहा दे सेस ;

वोय जप जसो लगासेत ,

वोय पहाट ला बढ़नेवाली गवथ को जसो होवासेत

6वोय पहाट ला फूलासे अखिन बढ़ासे ,

अखिन साँझ तकन कट मुरझा जाहे।

7काहेकि मी तोरो किरोद लक भसम हुया सेत ;

अखिन तोरो लगत गुस्सा लक घबराय गयो सेत

8तू न आपराध ला मोहोरा रख दियो,

अखिन मोरो छपयो हुया पाप गिनला

आपरो चहेरा को मोहरा ठेयो दियो से।

9काहेकि मोरो सबरी दिवस तोरो

किरोद मा बीत जावासे,

अमी आपरो जीवन को साल ला आह भरके जसो बितावा सेत।

10आमरो उमर को साल सत्तर होवासेत,

अखिन चाहे ताकत को कारन अस्सी साल भी हो जाबिन,

तबा भी वोय बूरो घमंड़ केवल दुख अखिन सोक च सोक से।

वोय जल्दी कट जावासे, अखिन अमी जावतो रव्हा सेत

11तोरो किरोद की ताकत ला अखिन

डर को लायक तोरो गुस्सा ला कोन समजासे ?

12मोला आपरो दिवस गिन को अक्कल दे

को मी अकलवर हो जाबिन .

13ओ यहोवा , लौट आ! कबा तकन ?

अखिन आपरो नवकरगिन पर तरख खाय!

14पहाट ला मोला आपरो करूना लक तिप्त कर ,

का अमी जिन्दगी भर जय जयकार अखिन मजा करतो रव्हे।

15जेतरो दिवस तू मोला दु ख देवासे आयो ,

अखिन जेतरो साल मी दुख भोग आयो सेत

उतना च साल मोला मजा देव।

16तोरो काम तोरो नवकरगिन ला ,

अखिन तोरो परताप वोय औवलाद पर पिरगट होय।

17मोरो परमेस्वर यहोवा की मन

दया आमरो पर पिरगट होय ,

तू मोरो हात गिनको काम मोरो लायी अटल कर ,

आमरो हातगिन को काम ला पक्का कर।