Powari Standard Project
भजनसंहिता 46:10
Verse 10 is marked below, with the whole chapter around it. Read from the start
परमेस्वर आमरो सरनजाघा से
मुखिया बजानेवाले के लिये, कोरहवंसी गीन का, अलामोत की राग पर एक गीत
परमेस्वर आमरो सरन जाघा अखिन ताकत से;
वय संकट मा सहज लक मिलन वारो सहायक से।
ऐकोलय चाहे धरती उलट जाहे अमिला काही डर नहात।
चाहे पहाड़ सागर को बीचमा डूब जाहे,
ऐकोलाय सागर को पानी गरजे अखिन उफने
अखिन पहाड़ ओकी अवाज लक कांप उठें।
एक नदी से जेको नहर लक परमेस्वर को नगर मा
अना परम परधान को पवीतर जघा मा खुसी होव्ह से
परमेस्वर नगर को बीच मा से,
ऊ कभ्भू टलेह नहीं भुन्सारे मा परमेस्वर ओकी सहायता कर से।
राज-राज को सासन करन वालो लोख डगमगाय के हिजड गयीन। अना वय डोल गयीन अना धरती पिघल गयी।
सेनाहीन1 को यहोवा हमरो संग से,
याकूब को परमेस्वर हमारो उच्चो गढ़ से।
आओ, यहोवा को महाकरम चोवो,
कि ओने धरती पर कसो-कसो बिरान करी से।
ऊ धरती की छोर तक को लड़ाई ला मिटायो से।
ऊ धनुस ला तोड़ से अखिन भला को दोन तुकड़ा करके रथहीन को इस्तो मा झोक दे से।
“चुप भय जाओ, अखिन जान लेव कि मीच परमेस्वर सेव।
मी मानूस लोखहीन मा महान सेव। मी देस भर मा महान सेउ।”
सेनाहीन को यहोवा आमरो संग से;
याकूब को परमेस्वर आमरो उच्चो गढ़ से।
Source notes (1)
- Footnote सरगदूत गिनको सेना जोन स्तूती करत होतीन।
Powari Standard Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.