भजनसंहिता 47

सबलक वरता राजा

मुखिया बजानेवाले के लिये कोरहवंसी गीन का भजन

1हे देस-देस को सब लोखहीन, थापली बजाओ;

उच्चो सब्द लक परमेस्वर को लयी जय जयकार करो

2काहेकि यहोवा परम परधान अखिन अद्भुत से,

ऊ सबरी धरती को वरता को महाराजा आय।

3ऊ देस-देस को लोखहीन ला हमरो मोहरा नीचो कर दवासेत,

अखिन राज-राज ला हमरो पाय को खाल्या कर देवासे

4वोना आमारे लाय वा जघा निवाड़ो जिता अमी रव्हासेजन, वो वोको लोख गिन को लाय याकूब को वारसाना हक सेत, जोन लक वोय पिरेम करासेत।

5परमेस्वर जय जयकार को संग,

यहोवा नरसिंगा को सबद को संग वरता गयो से।

6परमेस्वर को भजन गावो, भजन गाव!

आमरो माहाराजा को भजन गाओ, भजन गाओ!

7काहेकि परमेस्वर सबरी धरती को माहाराजा आय।

समझ बूझके अक्कल लक भजन गाओ।

8परमेस्वर राज गिन पर सासन करासेत।

अना आपरो पवीतर सिंघासन मा बिराजमान से।

9अबराहम को परमेस्वर को परजा बनन को लाय राज- राज को सासक जमा भयो सेत,

काहेका धरती को ढाल हुन परमेस्वर को आय। अखीन उ तो सिरोमनी सेत।1