भजनसंहिता 27

स्तुति को पिराथना

(दाऊद को भजन)

1यहोवा परमेस्वर मोरी उजाड़ अखिन,

मोरो मुक्तिदाता आय! मी कोन लक डराहू ?

यहोवा परमेस्वर मोरो जिन्दगी को आसरा आय।

मी कोन लक डराहू?

2जब बूरो लोख मोरो पर हमला करासेत,

अना मोला मारन को कोसीस करासेत ता

वोय दड़खड़ा के पड जावासेत।

3चाहे सेना भी मोरो खिलाप तम्बु लगाय!

तो भी मी नही डराहूँ

चाहे मोरो खिलाप लड़ाई छिड जाय

वोच बेरा भी मी हिम्मत अना भरोसा लक रव्हु।

4एक वरदान मी ना यहोवा लक माँगयो सेऊ,

ओको च जतन मा लगो रव्हूँ!

का मी जिन्दगी भर यहोवा को घर मा रव्हनो पाहूँ।

जेकोलक यहोवा को खोपसुरतपन ला देख सकू।

अखिन ओको मन्दिर मा धियान करहू।

5काहेकि पिरभू बुरो दिवस मा मोला आपरो

माढो मा छिपाय के राखेत,

आपरो तम्बू को अनजान जाघा मा मोला लुकाय लेहेत।

अखिन उच्चो चट्टान पर चघाहे।

6अब मोरो डोस्का मोरो चारो कना लक

दुसमनगिन लक उच्चो होहे

;अखिन मी यहोवा को तम्बू मा जय जयकार को

संग बलिदान चघांहु;

अखिन ओको भजन गाहुँ।

7हे यहोवा, मोरो आवाज आयक, मी हाकलासू,

तू मोरो पर किरपा कर अखिन मोला जवाब देव।

8तू न कह्यो से, “तू मोरो दरसन को तपास कर! ”

मोरो हिरदय तोरो लक कव्ह से

“हे पिरभू, मी तोला च तपासू।”

9आपरो टोन्ड मोरो लक नोको लुकाय!

गुस्सा मा आपरो सेवक ला दुहुर नोको कर।

हे मोरो, सूटकारा करन वारो परमेस्वर मोला नोको सोड़! अना नोको बीसर!

10मोरो माय-अजी न तो मोला छोड़ दियो से,

अना यहोवा मोला सम्भाल लेहे।

11हे यहोवा, मोला आपरो रास्ता चोवाव

अना मोरो बयरी गिनको कारन मोला सीध्धो रास्ता मा चला।

12मोला मोरो सतावन वारो को मनसा

पर नोको सोड़,

काहेकि झूठो गवाह मोरो खिलाप उभो भय गइन, वय हिंसा को धुनमा सेत।

13कदि मोला भरोसा नही होतो कि मी जिन्दो गिनको

धरती मा यहोवा की भलाई चोहू,

तो मी बेहोस भयी जातो।

14यहोवा को इंतजार करतो रव्ह हिम्मत बान्ध अना तोरो मन पिक्को रव्हे,

हव, यहोवा च को इंतजार करत रव्ह।