ହିକ୍ୟାହିନାକା

ଜାଣାଚିଣା

ଜାଣାଚିଣାପତି

ହିକ୍ୟାହିନାକାନାକାନ୍ତି ଜାଣାଚିଣା

ହିକ୍ୟାହିନାକାନ୍ତି ର ପତି ଇନାକା ଜିବୁନ୍ କାଜିଂ ହିକ୍ୟା ହିନାତ୍‌ । ଇ ପତିକାଜିଂ ହିବ୍ରୁ ବେରଣ୍‌ତ ଅରତ୍ ଆନାତା “ଇନେର୍ ମାନାୟ୍‌ତିଂ ରୁଣ୍ଡାୟ୍ କିନାତ୍ ।” ଆଦିକ୍‌ନିକାର୍ ଗିୟାନିର୍ ପାର୍ତି କିନାର୍ ଜେ ରାଜା ସଲମନ୍‌ ହିକ୍ୟାହିନାକାନ୍ ପତି ଲେକି କିଜ଼଼ି ମାଚାନ୍, ମତର୍ ବିନ୍‌ଲଗୁ ଇବେ ରଚେବେଣ୍ ଆଉରା । ଜଦି ସଲମନ୍‌ନେ ଇ ପତି ଲେକି କିଜ଼଼ି ମାଚାନ୍, ତେବେ ଇଦାଂ ବେସିକିଜ଼଼ି 970-931 କ୍ରିସ୍ଟ; ଆଗେ ଇମ୍‌ଣି ସମୁତ ହେୱାନ୍ ଜିଜ଼଼ିମାଚାନ୍ । ବିନ୍‌ଗିୟାନିର୍ ପାର୍ତି କିନାର୍ ଜେ ଇଦାଂ ଇନେର୍ ରୱାନ୍ ଲେକିକିତାନ୍‌ନା, ଇନାକିଦେଂକି ସମୁ ସମୁତ ଇଦାଂ ରୱାନ୍ ରାଜାତି ପିସ୍ତି ହେବା କିନାକାର୍ତି ବେରଣ୍ ବେବାର୍ କିଜ଼଼ିମାନାତ୍ । (ହିକ୍ୟାହିନାକାନ୍ତି 5:8-9) । ହେ ଗିୟାନିର୍ ବାବିକିନାର୍ ଜେ ହିକ୍ୟାହିନି ପତି ସଲମନ୍‌ତି ସମୁତାଂ ବେସି ବିଲମ୍‌ତ ଲେକାଜ଼଼ି ମାଚାତ୍, ବୁଜାୟାନାତ୍ ଇଦାଂ 400 ତାଂ 200 କ୍ରିସ୍ଟ ଆଗେ ବିତ୍ରେ ।

ହିକ୍ୟାହିନାକାନ୍ତି ହାଙ୍ଗ୍‌ଜି ଇଞ୍ଜିମାନାତ୍ ଜେ ସବୁକିଚି ର ନେଞ୍ଜ୍‌ନି ଲାକେ ଇନାକାକି ବେଗି ଡ଼଼ୁଗ୍‌ଜି ହାନାତ୍‌ 1:2 । ଇଦାଂନି ଅରତ୍ ଜେ ମା ଜିବୁନ୍ ଆନାତା ଜେ ମା ଜିବୁନ୍ ଆରି ମା କାମାୟ୍ ତିର୍‌ଆକାୟ୍ ଆରି ବୁଜାନାକା କସ୍ଟନିକା । ଅଲପ୍ ସମୁ ପାଚେ ଇବେନି ବେସି ବାଗ୍ ପଜ୍‌ଜି ହାନାତ୍ । ଇବେନି ବେସିବାଗ୍ ମା ଇଟ୍‌ନି ବାର୍ତ । ଜିବୁନ୍ ଇନେସ୍ ମାନାତ୍ ହେ ଲାକେ ଇଟ୍‌ନାତ୍, ଆରି ମିଦାଂ ଇନାକା ମାନାତ୍ ହେବେ ସୁକ୍ ପାୟାନାକା ହାର୍‌ 9:9 ଜିବୁନ୍‌ନି ସବୁ କସ୍ଟ ଆରି ୱାରିତିଂ ବିଚାର୍ କିନାସ୍, ପତିନି ୱିସ୍ତାକା ଆନାତା ଇସ୍ୱର୍‌ତିଂ ପାଣ୍ଡ୍ରାନାକା ଆରି ହେୱାନ୍ତି ଆଦେସ୍ ମାନି କିନାକା 12:13 । ହେଦାଂ ଆତାତ୍ ୱିଜ଼଼େତାଂ ଗାଜା ବିସ୍ରେନି କାତା ।

ହିକ୍ୟାହିନି ପତିନି ରାହାଣ୍;

ହିକ୍ୟାହିନି ପାର୍‌ବୁ 11 ପାଦ୍‌କୁ ପତିତ ଲେକିକିତାକାନ୍ ଆରି ତାଦି ଅଲପ୍ ଜିବୁନ୍ ତା ନିଜେ ପୁଚାକା ଲାହାଙ୍ଗ୍ ଚିଣାଜାଣା କିଇକିନାତ୍ ।

2. ପାର୍ବୁ 1:12 ତାଂ 6:9 ପାତେକ୍ ଜିବୁନ୍ ଅରତ୍ ବିସ୍ରେ ବେଣ୍‌ବାଟ୍ କିନାତ୍ ।

3. ପାର୍ବୁ 6:10 ତାଂ 12:8 ପାତେକ୍ ହିକ୍ୟାହିନାକାରିଂ ବୁଜାୟ୍ କିନାକା ମାନାତ୍ ।

4. ହାରିହାରା, ପାର୍ବୁ 12:9 ପାଦ୍‌ତାଂ 14 ପତିତ ୱିସ୍ତି ଅଲପ୍ ଜିବୁନ୍‌ନି ବିସ୍ରେ ଉଦେସ୍‌ତାଂ ଆନାତା ଇସ୍ୱର୍‌ତିଂ ପାଣ୍ଡ୍ରାନାକା ଆରି ଆଦେସ୍ ମାନିକିନାକା ।