2 राजा

2 राजा

राजेया रे बारे दे दूजी कताब

भूमिका

इस्राएलो रे दुनी राजा रे इतिआसो रे बारे दे जेती राजेया री कताबा रा पईला इस्सा जेती खत्म ऊआ था दूजा इस्सा तेथा ते ई आगे शुरू ओआ। एसा कताबा खे दुँईं इस्सेया दे बांडी सकोए :

नौवी शताब्दी ई. पू. रे बीचा ते लई कि 721 ई. पू. दे सामरिया रे राचणे ओर उत्तरो रे राज्य रे मूकणे तक ऊईया दिया दूनी राजा रिया कटणा रे बारे दे, ओर

इस्राएल राज्य रे राचणे ते लई कि 586 ई. पू. दे बेबीलोनो रे राजा नबूकदनेस्सरो रे जरिये यरूशलेम शईरो पाँदे जीतणा ओर तेतेरे नाश ऊणे तक कटी री यहूदा राज्य री कटणा रे बारे दे जानकारी।

ये कताब बेबीलोनो रे राज्य रे कब्जे दे यहूदा रे राजपाल गदल्याह ओर यहूदा रे राजा यहोयाकीनो रा बेबीलोनो रिया कैदा ते छुट्टी की आऊणे रे बारे रिया जानकारीया साथे ई खत्म ऊई जाओई। ये बड़िया मुसीबता इस्राएल ओर यहूदा रे राजेया ओर तेथो रेया लोका रे परोसा तोड़ने रिया बजा ते आईया थिया। यरूशलेम शईरो रा नाश ओर यहूदा रे बऊत सारे लोका रा बेबीलोनो रिया गुलामिया दे जाणा इस्राएली इतिआसो रा एक बऊत बड़ा मोड़ था। राजेया रिया कताबा रे दूजे इस्से दे जो भविष्यबक्ता खास ए, से आ एलिय्याह रा उतराधिकारी एलीशा।

रूप-रेखा

टुकड़े ऊए दे राज्य

यहूदा राज्य