लैव्यव्यवस्था

लैव्यव्यवस्था

लैव्यव्यवस्था

परिचय

लैव्यव्यवस्था की किताब उन नियमों सी बनी हय जिन्ख परमेश्वर न मूसा को द्वारा इस्राएलियों ख दियो होतो। यो नियम बलिदानों अऊर भेंट ख चढ़ावन अऊर मिलाप वालो तम्बू म आराधना को नियम ख नियमित करन सी सम्बन्धित हय। “लैव्यव्यवस्था” शब्द को अर्थ हय “लेवियों सी सम्बन्धित,” जो इस्राएल को ऊ कुल होतो जेख परमेश्वर न याजक बनन अऊर आराधनालय की देखभाल करन लायी चुन्यो होतो। परंपरागत रूप सी विद्वानों को माननो हय कि लैव्यव्यवस्था की किताब, अऊर संग म पंचग्रंथ की दूसरी किताबे उत्पत्ति, निर्गमन, गिनती, अऊर व्यवस्थाविवरण भविष्यवक्ता को द्वारा लिखी गयी होती। असो मान्यो जावय हय कि खुद ग्रंथ भी येको तरफ इसारा करय हय, कहालीकि

लैव्यव्यवस्था की सुरूवात म हम पढ़जे हय कि परमेश्वर न याजकों ख अलग अलग तरह को बलिदान चढ़ावन को आदेश दियो। इन्म सी कुछ बलिदान लोगों को पापों को लायी चढ़ायो जावय हय। दूसरो बलिदान खुद की इच्छा सी, कोयी व्यक्ति को परमेश्वर को प्रति प्रेम को वजह चढ़ायो जाय सकत होतो। हर स्तिथि म यो जरूरी होतो कि बलिदान शुद्ध अऊर दोषरहित होय, मतलब व्यक्ति को तरफ सी बहुत अच्छो होय। यो साफ रूप सी परमेश्वर की पवित्रता ख दर्शावत होतो। किताब को आखरी भाग म यो समझायो गयो हय कि इस्राएली अऊर याजक कसो शुद्ध रह्य सकय हंय यां फिर कसो अशुद्धता सी शुद्ध होय सकय हंय। या किताब को मुख्य विषय यो हय कि परमेश्वर पवित्र हय, अऊर या किताब म दियो गयो नियमों को पालन कर क् इस्राएली परमेश्वर की मौजूदगी म रह्य सकत होतो।

रूप-रेखा

१. अलग अलग तरह को बलिदान चढ़ावन को आदेश दियो गयो हंय।

२. हारून अऊर ओको टुरावों ख याजक चुन्यो जान को बारे म वर्नन हय।

३. शुद्ध अऊर अशुद्ध भोजन यां बिमारियों को बारे म विधियां दी गयी हंय।

४. भोजन, त्यौहार, नैतिक व्यवहार अऊर आराम सालों जसो विषयों पर अलग अलग कयी आदेश बतायो गयो हंय।